vôvale

Walon (Rifondou)

• 

Etimolodjeye

Tayon-bodje latén « volvulus » ‎(« plante ki toûne åtoû d' ene ôte »), avou l’ cawete « -ale ».

Prononçaedje

• AFE :
  • diferins prononçaedjes : /võ.val/ /voː.val/ /boː.val/ (betchfessî ô, halcrosse rîlêye)
  • prononçaedje zero-cnoxheu : /võ.val/
• Ricepeures : vô·vale

Sustantif

singulî	pluriyal
vôvale	vôvales

vôvale femrin

1. (plante) plante ås blankès fleurs ki gripe après les ôtes e s' tournant åtoû, ezès håyes ki l’ sincieus no, c’ est : Calistegia sepium u .
   • Les bouxhnisses avént seur crexhou, et fé martchî eshonne avou l' vôvale, li rampioûle, li meurî, et co kécfeye li cladjot — Lucien Somme (fråze rifondowe).
   • Tenawete, ele tådje po råyî el plate-binde ene bohêye di papî, ene vôvale ki vout gripter totåtoû d' on pî d' rozî — Auguste Laloux (fråze rifondowe).
   • Dji tuze al viye croe rafûlêye di vôvale — Mariette Chinon (fråze rifondowe).
   • K' il est nozé ! K' il est frisse ! K' i m' ahåye !
     Hozlé d' vôvale, d' årdispene et d' clawson ;
     Pol gåyoter ni dirîz vs nén k' ses håyes
     Ont l' air do fé des floris cråmignons — Louis Lagauche, "L' inmant", Li tchanson del Mouze, (1947), p. 108 (fråze rifondowe).
2. aritchant fi di cisse plante la.
3. (imådjreçmint) çou ki tént raloyî.
   • L' aveule Feme al Fås disvôteyrè l' vôvale ki nos tént elaxhî — Roger Viroux (fråze rifondowe).

Mots d’ aplacaedje

• vôvale des tchamps (ki l’ sincieus no, c’ est : Convolvulus arvensis)
• rodje vôvale (ki l’ sincieus no, c’ est : Convolvulus arvensis)

Sinonimeye

• (plante): hena
• (pitit fis ki s' agritchèt): crankion

Ortografeyes

Divant 1900 :

• voval : E125
• vôvâl : E203 ^(lére)

Après 1900, foû rfondou (Feller, Feller ricandjî, nén Feller) :

• gôvale : FE1, G100
• vôvèle : O4
• vôvale : C1, C9, E34, E150, E166, G100
• bôbale : FE1, G100
• vôtale : FE1, G100
• fôvèle : O4
• bôvale : E170

E rfondou walon :

• vôvale : R10 ^(lére)

Ôtès ortografeyes (avou des sourdants nén rkinoxhous) :

• vôvåle : — Louis Lagauche.
• vôvale : O93

Li mot n’ est nén dins : C8, R13

Ratournaedjes

plante des tchamps avou des crankions

• Francès : liseron ^(fr)

crankion di cisse plante la

• Francès : liane ^(fr)

Waitîz eto

Lijhoz l’ årtike vôvale so Wikipedia