brotchî

Walon (Rifondou)

Etimolodjeye

Tayon-bodje latén « broccus » (broke, dint pondante), lu-minme d' on tayon-bodje gayel « broccus » (taesson, biesse k' a l' muzea e ponte)avou l’ cawete di codjowaedje « -î » des viebes; mot cité dins l’ FEW 1 545a.

Prononçaedje

• AFE :
  • diferins prononçaedjes : /bʀɔ.ˈt͡ʃiː/ /bʀɔ.ˈt͡ʃi/ /bʀɔ.ˈt͡ʃɛ/ /bʀoː.ˈt͡ʃiː/
  • prononçaedje zero-cnoxheu : /bʀɔ.ˈt͡ʃiː/
• Ricepeures : bro·tchî

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

brotchî

I. [v.s.c.]

1. rexhe tot doûçmint d' ene masse, a cåze d' on pressaedje, tot cåzant d' ene sacwè come del påsse. Les pemes brotchèt tot cujhant; fé brotchî dèl påsse inte ses doets, fé brotchî do noer savon inte ses doets. Li lowin brotchive totavå l' mé. Li mastike brotche inte ses doets. N' aspoyoz pus so vosse frisco, vos fjhoz brotchî l' crinme. Li bire travaye, ele fwait brotchî l' schoume ådzeu di m' pinte. Il aveut on grand rodje motchwè a noers poes ki brotchive todi foû di s' potche (J. Schoovaerts).

2. (mot d' medcén) rexhe foû del pea tot cåzant d' ene mizere. Il ont fwait brotchî m' boigne clå. rl a: fé tchitchî. F. éclater, suppurer.

3. rexhe di tere, djermer, tot cåzant d' ene culteure; fé des djermons. Les yerbêyes ont yeu del boune ansene: i fåt k' ça brotche (R. Dedoyard). Les crompires brotchèt foû d' tere — Motî d’ Bastogne (fråze rifondowe).. Ké niche tins; gn a tot ki brotche so pî. rl a: crexhe. F. germer, pousser, croître.

4. vesser douçmint, sins k' on vs oyaxhe. C' est ti k' a brotchî ! - Prumî nodeu, prumî vesseu. rl a: flotchî.

5. rexhe d' on plin côp, tot cåzant d' ene sacwè come di l' aiwe. Do prumî côp, li sonk a brotchî. Ça m' a brotchî e plinne figueure. L' aiwe a brotchî foû do tuyo — Motî d’ Bastogne (fråze rifondowe).. Sambe comince a monter, et plinne di schoume, ele brotchive pa les saiwes (L. Bernus). On solea k' on n' voet nén Mins ki brotche foû do bleuw Foû del foto (L. Hendschel). Ses årteas, avou do rodje a ongues dissu, atirént les ouys des omes cwand k' i brotchént foû do cur di ses sandaletes (J. Schoovaerts). Nos pinsêyes feles come des colons brotchrént rén k' e rwaitant l' faitaedje (J. Beaucarne). El feu d' årtifice esclate: Presses a brotchî d' leu boesse Po k' les djins fouxhexhe al fiesse, Vla èn moncea d' estoeles (J. Goffart). rl a: sipiter, sibrotchî, sitritchî. F. jaillir, gicler, fuser.

6. brotchî (dins): moussî doûçmint ene sadju, tot cåzant d' ene sacwè come del påsse. I fwait si yôrd ki les berdouyes brotchèt dins mes shabots. Si cô brotchive dins s' fås col. F. s'introduire, faire irruption.

7. (imådjreçmint) rexhe d' ene batreye, d' ene lûte, pask' on-z est l' pus flåwe. Il a bén falou k' i brotchaxhe. rl a: ployî. F. céder, s'avouer vaincu, se résigner.

8. (imådjreçmint) rexhe do droet do djeu, fé ene flotche. Il a brotchi ås cåtes. 9. èn nén ndaler come i fåreut. Gn a-t i ene sacwè ki brotche ? F. clocher, déconner, coincer.

II. [v.c.] rater (ene biesse al tiesse). Vos avoz brotchi l' moxhon, mins mi, dji n' el brotchrè nén (A. Carlier). rl a:

Parintaedje

• brotchaedje
• brotchåd (a brotchåd)
• brotchoe
• sbrotchî
• abrotchî
• ribrotchî

Mots d’ aplacaedje

• brotchî foû

Sinonimeye

• (rexhe tot doûçmint d' ene masse): tchitchî

Ortografeyes

Après 1900, foû rfondou (Feller, Feller ricandjî, nén Feller) :

• brôtchî : O51
• brotchî : C9, C99, E1, E21, O0, O3, O4
• brotchi : C1, C8, C13, C99, S0
• brotchè : S36 ^(lére)

E rfondou walon :

• brotchî : R10 ^(lére), R13

Ratournaedjes

• F. saillir, sourdre, faire saillie, faire éruption.