contintmint

Walon (Rifondou)

Etimolodjeye

Do viebe « continter » avou l’ cawete « -mint ».

Prononçaedje

AFE :
- diferins prononçaedjes : /kɔ̃ː.tɛ̃ːt.ˈmɛ̃/
- prononçaedje zero-cnoxheu : /kɔ̃ː.tɛ̃ːt.ˈmɛ̃/
Ricepeures : con·tint·mint

Sustantif

contintmint omrin

no d' fijhaedje et no di çou k' est fwait (accion eyet si adierça) pol viebe "continter".
- Ses efants lyi dnèt totes sôres di contintmints. — Motî Forir (fråze rifondowe).
plaijhi.
- Diner do contintmint rén k' al façon di cdure l' atelêye des mots, c' est l' prumî role do scrijheu, si oneur — Albert Maquet (fråze rifondowe).
parfond sintimint di påye et d' djoye.
- Tant k’ Lidje indepindante
  Si mostra triyonfante
  Inte ses pouxhants vijhéns,
  Li Côpareye tote fire
  Eleva disk’ å cir
  Les sons di s’ contintmint. — C.N. Simonon, Powezeyes e patwès d’ Lidje, (1846) (fråze rifondowe).
- L' ovraedje ni m' a djamåy fwait poenne,
  Ç' a todi stou m' pus grand passe-tins ;
  Si dji n' so nén si crås k' on moenne,
  Dji doime påjhûle, dj' a l' contintmint. — Toussaint Brahy, Toussaint Brahy, œuvres wallonnes posthumes, Ji sos st'hûreux di m'pauvrité, avri 1888, p.18 (fråze rifondowe).
- MATROGNÅRD. Awè, djel vou bén dire : dji n' mi tape måy a boere
  Ki dvins deus ocåzions.
  TÅTÎ. - C' est po rire ? Est ç' a croere ?
  MATROGNÅRD. - Dabôrd, cwand dj' a del poenne, dji boe : dji boe … d' tchagrin ;
  Adon, cwand dj' end a nén, dji boe … di contintmint. — Édouard Remouchamps, Tåtî l’ Pèriquî, 1884, Ake I, Sinne IX, v. 165-168 (fråze rifondowe).
- Cwand l’ solo vént dorer vos blonds tchveas plins d’ loumire
  I m’ troubele bén moens foirt ki les feus d’ vos påpires
  Ki m’ fjhèt trefiler d’ djoye et fruzi d’ contintmint. — Martin Lejeune, Œuvres lyriques du poète wallon Martin Lejeune, "L’aveû" (fråze rifondowe).
- Li mitan di m' contintmint,
  C' est l' mitan d' tote ritchesse. — Jean Bury, Joyeux rèspleus, (1899), "L’awoureux Colas" (fråze rifondowe).
- Li pôve et l’ ritche viként-st al boune frankete
  Et l’ contintmint s’ veyeut tocosté. — Louis Lagauche, Amon nos autes, tchansons tchusèyes, (1908-1912), «Mi grand-mére» p.70 (fråze rifondowe).