continter

Walon (Rifondou)

Cisse pådje ci do Wiccionaire n’ est co k’ ene esbåtche.
Si vos avoz des cnoxhances sol sudjet, vos nos ploz aidî tot rtchôcant des dnêyes so l’ årtike : clitchîz sol boton « candjî » po radjouter des infôrmåcions.

Etimolodjeye

Bodje « contin » avou l’ cawete di codjowaedje « -er » des viebes

Prononçaedje

AFE :
- diferins prononçaedjes : /kɔ̃ː.tɛ̃ː.ˈte/ /kɔ̃.tɛ̃ː.ˈte/ /kɔ̃.tɛ̃.ˈte/
- prononçaedje zero-cnoxheu : /kɔ̃.tɛ̃ː.ˈte/
Ricepeures : con·tin·ter

Viebe

continter (1^ire troke) (codjowaedje)

rinde ureus.
- On bråve valet ki continte ses parints. — Motî Forir (fråze rifondowe).
- Mins mi ki n' a måy sitou fir,
  Dji so t åjhey a continter. — Henri Forir, Blouwett lîgeoiss, On to p'ti filozof, 1843, p.26 (fråze rifondowe).
- Del pus ptite crawêye hobinete,
  S' il î tchante ene bele beguinete,
  Li pus ritche s' è sårè continter
  Sins discuter. — Martin Lejeune (fråze rifondowe).
responde a on djeriaedje.
- Il est målåjhey a continter — Motî Forir (fråze rifondowe).
- Ene båne toumant do cir
  N’ åreut polou mî les dzirs
  Des pôvès djins. — Joseph Vrindts, ”Vîx Lîge” (1901), p.117, “Li Cholèrâ” (fråze rifondowe).
- Po continter cisse ribambèle di rin-n’vås-là,
  Li gouvèrneûr, qu’èsteût sûr ine ome sins vol’té,
  Fat bate li Signeûr à côp d’vèdjes…
  Hay! Romain!… Splinke li djwif ! — Joseph Mignolet, "Li tchant del croes", 1932, p. 93.
- Mins si l' ome est påjhûle wice ki totes les ritchesses
  K' i pout djeryî d' aveur lyi contintèt ses dzirs. — Louis Lagauche, L'aimant, Ås walons, (1947), p. 118 (fråze rifondowe).
(pus stroetmint) (secsuwelté) complaire les brijhes d' ene sakî.
- Bén, djans don, po vs continter,
  Vinoz cial, viye coroye,
  Mins n' alez nén sol costé,
  Ca dj' a sogne k' ele ni ploye. — François Barillié, Li botresse, divins Li camarad′ dè l'joie, 1852, p.31 (fråze rifondowe).
- Mins l' djoû k' vos ls åroz continté,
  I s' toûnront vite d' èn ôte costé,
  Les omes. — Jean Dessard, D'ine cohe so l'aute, 1939, p.122, Lès omes, Tchansonète po feume (1903) (fråze rifondowe).
(viebe å prono) esse binåjhe sins ndè voleur pus avou ene sacwè.
- Dji m' contintreu d' on trô avou djusse assez po n' nén mori d' fwin. — Joseph Mignolet, Li vôye qui monte, (1933), p.25 (fråze rifondowe).