aweure

Walon (Rifondou)

Etimolodjeye

Tayon-bodje latén « augurium » (sene k' on voet l' avni avou), racuzinåve avou l' vî francès « heur » (minme sinse).

Prononçaedje

• AFE :
  • diferins prononçaedjes : /a.wøːʀ/ /a.wiːʀ/ (fok deus prononçaedjes)
  • prononçaedje zero-cnoxheu : /a.wøːʀ/
• Ricepeures : a·weure

Sustantif

aweure femrin (cåzu todi singulî)

1. tchance.
   • Dj' a yeu l' aweure d' ariver a tins.
   • Rade èle si clintche po d’ner s’ côp d’ oûy
     èt, dismètant qu’ine bone hinêye
     di novê pan v’s-èl hape å nez,
     on veût candjî l’ air di s’ vizèdje.
     Quéle aweûre ! I sont-st-à sohait ! — Henri Simon, Li pan dè Bon Diu, On sètche lès pans.
   • Vén dé mi, båshele; vinoz dé mi avou vosse napea, nosse damjhele, ki dji vs deye voste aweure; u vosse målaweure. — Lucyin Mahin, Vera (fråze rifondowe).
2. parfond plaijhi d' viker.
   • L’ aweure des ôtes les rind djalots. — Jules Claskin, « Airs di flûte et autres poèmes wallons », édition critique de Maurice Piron, 1956, « Come mi, come vos», p.131 (fråze rifondowe).
   • Vos troverez l' aweure et li contintmint, nén l' bouneur ki les emîssés amateurs do monde veyèt et vantèt — Jean Bosly, L’ îmitåcion d’ Jèzus-Cris (ratourné di J. Bosly) (fråze rifondowe).
   • K' on-z est bén di boere on vere åtoû d' ene tåve avou les camaerådes; mins po rsinte ciste aweure la, a-t i mezåjhe di gote? — Mariette Chinon (fråze rifondowe).
   • Leu sinteur vos rimplixhéve les narenes a vs fé påmer d’ aweure et d’ contintmint — JBzzs, p. 45 (fråze rifondowe).

aweures femrin pluriyal

1. (doûce creyance) fis d' Aviedje (pitit créns d' araegne metou inte deus plantes, k' on dit k' i poirtèt tchance).
   • On pinse ki les aweures sont fwaites pa des ptitès araegnes — Motî Forir (fråze rifondowe).

Ratourneures

1. boune aweure.
   • Diè, k' on a bon do viker cwand l' boune aweure kimince ! — Joseph Vrindts, « Pâhûles rîmês » (1897), "Trop târd", p.60 (fråze rifondowe).
   • Li målaweure ni fwait divni metchants ki les djins ki l’ boune aweure n’ åreut nén rindou bons. — Arthur Xhignesse, « Bwègnes mèssèdjes » (1905), p.5 (fråze rifondowe).
2. sohaitî boune aweure.
   • Avou on stoumak come on pan, li pôve båshele ourit co l' foice di fé s' pus bea sorire, et lyi sohaitî boune aweure — François Nyns (fråze rifondowe).
3. aveur l’ aweur di ou aveur d’ l’ aweur di : aveur li tchance, l' oneur di.
   • Nosse frawiante societé a-st avou l' aweure di vey ciste anêye li govienmint acoirder a nosse tchevixhant prezidint li tite di tchuvalî del Corone — Henri Lambremont, annouwaire des "oteurs walons", 1928, p. 17 (fråze rifondowe).
   • Dji n' a d' keure : ci serè l' paradis si dj' a l' aweure di vs plaire todi — Martin Lejeune (fråze rifondowe).
   • Vos avoz d' l' aweure d' aveur ene rashide djonne feye — Motî d’ Nivele (fråze rifondowe).
4. d’ aweure : pa tchance.
   • Dji l' a rescontré d' aweure.
   • C' est d' aweure ki çoula a bén tourné.

Parintaedje

• binaweure, binawureus, binawureuzmint
• målaweure, målawureuzmint
• awureus, awureuzmint
• dizawurer

(minme sourdant etimolodjike)

• ureus, ureuzmint
• måleur, målureus, målureuzmint
• bouneur

Sinonimeye

• (estance ki nos fwait adiercî) : tchance, fortune, tcheyance
• (estance ki foidje li destinêye sins fonnmint) : avire, azår, astcheyance
• (estance ki nos fwait aveur bon) : bouneur, binåjhté
• (d' aweure) : dazår, d’ atoumance, d’ astcheyance

Contråve

• (estance ki nos fwait adiercî) : penin, målaweur, bizawe, coyon, petche, pufkene
• (estance ki nos fwait aveur bon) : måleur, miråcoleye, anoye

Ortografeyes

Divant 1900 :

• aweur : E177a ^(lére)
• awire : E212 ^(lére)

Après 1900, foû rfondou (Feller, Feller ricandjî, nén Feller) :

• aweûr : E1, E13, G100
• awîre : E13
• awir : E2
• awîr : E13, E21

E rfondou walon :

• aweure : R9 ^(lére), R10 ^(lére), R11 ^(lére)

Sipårdaedje do mot

w. do Levant

Ratournaedjes

tchance

• Francès : chance ^(fr), aubaine ^(fr), coup heureux ^(fr), bonne fortune ^(fr)

bouneur

• Francès : bonheur ^(fr), félicité ^(fr)

d' aweure

• Francès : par hasard ^(fr), fortuitement ^(fr), par chance ^(fr)