miråcoleye

Walon (Rifondou)

Etimolodjeye

vî lingaedje d’ oyi «merencolie» (minme sinse), lu-minme on noûmot foirdjî do bodje vî grek «μελαγχολία» ‎(melankholía, estance k' on a del noere bîle), avou on ridaedje L/R, adon parint avou l' francès « mélancolie ».

Prononçaedje

• AFE :
  • diferins prononçaedjes : /mi.ʀɔː.kɔ.ˈlɛj/ /me.ʀaː.kɔ.ˈlɛj/ /mi.ʀã.kɔ.ˈliːj/
  • prononçaedje zero-cnoxheu : /mi.ʀɔː.kɔ.ˈlɛj/
• Ricepeures : mi·rå·co·leye

Sustantif

miråcoleye f. todi singulî

1. estance d’ onk k’ end a pezant, k' a des zwatès pinsêyes.
   • Po sognî nosse miråcoleye, T' as hapé l' peket do curé. — Jacques Lefebvre (fråze rifondowe).
   • Pire fijheut passer l’ miråcoleye avou ses djoyeus messaedjes. — Dieudonné Salme (fråze rifondowe).
   • Vola ene tchoûlåde tchanson plinne di miråcoleye k' i rprindèt tertos e keur, tot s' tinant pa les spales et s' rabressant bén foirt ; et vey soude leus låmes. — Jean-Pierre Dumont (fråze rifondowe).
   • Il a l' miråcoleye do tins passé, mins s' il a l' må do payis, di s' campagne, c' est ossu d' ene campagne di dvins l' tins. — Guy Belleflamme (fråze rifondowe).
   • Li houte assûne del miråcoleye. — Roger Viroux (fråze rifondowe).
   • L' aiwe lyi court foû des ouys, pieles di miråcoleye. — André Gauditiaubois (fråze rifondowe).

Parintaedje

miråcolieus, miråcolieuzmint

Mots vijhéns

• bîle
• diloujhe, disbåtchance, cafård, disnortance.

Ortografeyes

Après 1900, foû rfondou (Feller, Feller ricandjî, nén Feller) :

• méraucolîye : C99
• mérâⁿcolèye : E175
• mirancolêye : E34
• miråcolèye : E170
• miraucolîye : C99

E rfondou walon :

• miråcoleye : R10 ^(lére), R11 ^(lére)

Li mot n’ est nén dins : C1, C106, C107, R13

Ratournaedjes

sinse do mot k' est ratourné

• Almand : Melancholie ^(de), Schwermut ^(de), Wehmut ^(de)
• Inglès : melancholy ^(en)
• Espagnol : melancolía ^(es)
• Francès : mélancolie ^(fr), nostalgie ^(fr), spleen ^(fr)
• Neyerlandès : melancholie ^(nl), weemoed ^(nl)