miråcolieus

Walon (Rifondou)

Bodje « miråcoleye », avou l’ cawete « -eus » ; çou ki dene on mot avou l’ dobe cawete « -ieus » (noûmot eplaidî pol prumî côp diviè 1900).

AFE :
- diferins prononçaedjes : /mi.ʀɔː.kɔ.ˈljøː/ /mi.ʀã.kɔ.ˈljøː/ /mi.ʀã.kɔ.ˈløː/
- prononçaedje zero-cnoxheu : /mi.ʀɔː.kɔ.ˈljøː/
Ricepeures : mi·rå·co·lieus

k’ a del miråcoleye, d’ ene djin.
- Al laide ådje, po ene vesse må tournêye, ti dvéns tot miråcolieus.
- Nos avéns tot a poenne dijh ût ans po nos deus
  Cwand c' est k' pol prumire feye dji veya vosse bele mene
  Vosse pitite mene d' Aviedje ås ouys miråcolieus. — Louis Lagauche, Tchansons tchusèyes, (1908-1912), «Tot l’vèyant passer» p.91 (fråze rifondowe).
ki fwait soude del miråcoleye.
- Nôvimbe nos a raminé ses miråcolieusès djournêyes. — Lambert Lemaire (fråze rifondowe).
- Li miråcolieuse Hesbaye, avou ses pôves moléns å vint, k’ ont pierdou bresses et djambes, divant l’ progrès, et k’ endè vont el roviance, la k’ i n’ ont pus ki l’ poûssire di leus brikes a prezinter å zuvion come al timpesse. — Louis Lagauche (fråze rifondowe).
- Sint Roch, come li savtî ki rene,
  Guerive pa les tiers et les vås,
  Di nosse miråcolieuse Årdene,
  Po catchî ses poennes et ses mås— Louis Lagauche, « Li p’tit hièrdî », Tchant III, Saint Roch (fråze rifondowe).