diviè

Walon (Rifondou)

Etimolodjeye

Tayon-bodje latén « deversus », adon racuzinåve avou l' vî lingaedje d’ oyi « devers ».

Prononçaedje

• AFE :
  • diferins prononçaedjes : /di.vjɛ/ /dy.vjɛ/ /di.ve/ /dy.vɛ/ /dɛ.vjɛ/ (minme prononçaedje cåzu pattavå)
  • prononçaedje zero-cnoxheu : /di.vjɛ/
• Ricepeures : di·viè

Divancete

Alofômes

diviè

divièr

diviè (nén candjåve)

1. do costé di.
   • Il est evoye diviè l' martchî.
   • Tchaekes anêyes diviè Tenneus-Rowe,
     Li Mouze a troes cwårts discrexhowe,
     Si racovreut d' on fås plantchî. — Joseph Vrindts, "Vîx Lîge" (1901) p. 4, "Sov’nance d’Hiviér", (fråze rifondowe).
   • Dji voe clair e vosse schiele, Janete … Dispoy ki l’ djonne friket des Patård a mostré s’ frognou dvier cial, nos n’ estoz pus l’ minme … båshele … — Joseph Mignolet, « Li Vwè dè Clokî, 1926, p.4 (fråze rifondowe).
   • Lontins vos m' avoz veyou crexhe,
     Cori, djougler so les prés d' Drwexhe,
     Prinde mes bagns diviè l' iye Monzin ! — Louis Lagauche, "L' inmant", Li tchanson del Mouze, (1947), p. 101 (fråze rifondowe).
2. divins l' direccion di.
   • Et les tchawådes diviè l’ bleu cir,
     S’ enairént des cwate coines del plaece. — Joseph Vrindts, ”Vîx Lîge” (1901), p.43, “Li Plèce Grétry” (fråze rifondowe).
3. eviè on moumint.
   • Dji vs irè vey diviè les doze eures.
   • Ça s' a passé diviè 1910.
   • Il a ndalé dviè Påke.
   • C' esteut dviè l' anuti.
   • Il est dviè cwatre eures.
   • Si d’vès l’s aireur dè jou, quéque fèye i s’èsoqu’téve,
     Li sav’tî, d’ine chanson d’abôrd èl dispièrtéve,
     Èt l’ pauve richâ s’ plaindéve, tot d’hant
     Qu’on d’vreû poleur ach’ter sès âhe, — Antoine Kirsch, Li sa'vtî èt l' banquî, 1889.
   • Mins dviè les doze eures, å pus bea
     K’ i s’ aléve ripoizer ene miyete,
     Djondant di s’ guerite, li djonnea
     Ricnoxha dzo l’ gåz si rossete,
     K’ acoreut sins châle, sins tchapea,
     Tot stitchant ene boune croxhante boûkete. — Joseph Vrindts, « Pâhûles rîmês » (1897), «Li nute di Noié d’on piotte», p.101 (fråze rifondowe).
   • Ossu, diviè les dijh eures, nost Ernou, tot tournisse,
     Si dressa pwis derit : – Si dji vs tape ene divize
     Motoit bén tot begtant, c' est po rmercî di m' mî
     Li boune dame del måjhone ki nos rçût si voltî. — Louis Lagauche, "Mayon" (1923), p. 58 (fråze rifondowe).

Ratourneures

1. diviers chal di ç' costé cial.
   • Dji l' a veyou divier chal.
   • Il a ploû a flaxhe divier cial.
2. divier la di ç' costé la.
   • Ele dimeure a Djoupeye ou dvier la.
   • E ptit hamtea la k' on vike ouy
     Come on l' a todi fwait divier la,
     Wice k' on trouve si beas les bleus ouys
     Cwand i s' catchèt dzo l' barada. — Louis Lagauche, "Li ptit hierdî" (1926), p. 26 (fråze rifondowe).
   • On dit eto: avår la, avier la.

Mots d’ aplacaedje

• padviè
• edviè

Sinonimeye

• (a on moumint) sol cotoû di, eviè
• (divièr cial) : avår ci, avier cial
• (divièr la) : avår la, avier la

Ortografeyes

Après 1900, foû rfondou (Feller, Feller ricandjî, nén Feller) :

• divè : E1
• diviè : C9, O4
• dèviè : C9
• duvès : E34

E rfondou walon :

• diviè, divier : R10 ^(lére)

Omofoneye possibe

• diveur

Ratournaedjes

di ç' costé

• Francès : du côté de ^(fr), dans les environs de ^(fr)

a on metou moumint

• Francès : à ^(fr), vers ^(fr) (temps)