coucou

Èn årtike di Wiktionary.
Potchî a: naiviaedje, cweri
Wikipedia-logo-en.png Racsegnes eciclopedikes
po tos les sinses
do mot «coucou»

Flag of Wallonia.svg Walon

Etimolodjeye et tcherpetaedje

Tayon-bodje latén «cuculus» (minme oujhea), d' on mot-brut (xhinaedje do cri d' l' oujhea).

Prononçaedje

Mot-criya

coucou nén candjåve

  1. po mostrer k' on est la, a ene djin ki n' vos voet nén.
    Coucou, c' est mi.
  2. po dire «årvey».
    Po travayî l' pire di Gobtindje, Fåt bén ndaler disk' a Mélin Et n' nén esse on mitan d' boket d' mantche, Ôtmint, coucou, evoye a Bôvetchén (tchanté pa Wiyam Dunker).
Sinonimeye

couyou, kilou

Sustantif

singulî pluriyal
coucou coucous

coucou o.

  1. (oujhea) gros oujhea ki vént ponre ses oûs dins l' ni des ôtes oujheas, e sincieus latén : Cuculus canorus.
    Sol tins kel pôve coucou brait deus notes sins façon, Li måvi djowe del flûte et l' djonne tcherdin tchaftêye (M. Lejeune).
    E montant so Rnuveye, il ont rescontré l' curé k' aléve so Grintchamp; les grins estént disfloris, et l' coucou s' aveut tai (R. Dedoyard).
    Sins fé nole fwèce, lèyîz-ve èminer è cråmignon dès-oûhês ; sèrez-st-èbouh'té dè boukèt d'leûs tchants : fåbites, tchèrdins, mazindjes, sîzèts, ligneroûs, måvis, alouwètes èt turturèles, vis f'ront-st-ètinde li pus bê dès-opéras, qui n'finih'rè qu'al vèsprêye, so lès bazès notes dè coucou, èt l'glawzinèdje, sins parèye, dè djinti råskignoû (L. Bukens).
  2. (plante) sôre di trimblene, e sincieus latén : Trifolium spp.
    Å moes d' awousse, c' esteut l' toû do frumint, di l' avoenne, et des favetes, po fini e moes d' setimbe pal triyanele, l' incarnå, li djaene coucou, les waeyéns et l' sinfour (M. Georges).
    I pinse foirt sovint ås deus tchivroûs k' ;adschindèt les shijhes e Pré al Rogne po s' fôrer d' blanc coucou, di djaene coirvesse, di pates-di-tchet ou d' raigra (S. Fontaine).
  3. ome ki s' feme coûtche avou èn ôte.
    Dji n' sai si vs estoz wiyinme, mins ça tådjrè pus waire. :: Coucou, mi ? end aléve-t i. Sereut ç' Bon Diu possibe ? (J.P. Dumont).
    I voleut cnoxhe mi feye ! Lu ki n' s' a måy fwait nou må d' tiesse por leye, lu ki m' aveut dit, cwand il a sepou k' dji ratindeu, ki dj' n'aveû k' a m' saetchî foû marimince tote seule, lu ki m' aveut leyî la come ene pôve abandnêye, vola k' i voleut cnoxhe mi feye, lu ki s' a cdût come on coucou (G. Belleflamme).
  4. ôrlodje avou èn oujhea ki rexhe po dire l' eure.
    Po n' nén fé do brut, il a ddja tiré ses solés sol soû et i n' aloume nén; vla djusse li coucou ki soune troes eures; Constant s' arestêye, rît tot seu dins s' vinte e sondjant: "dji dirè bén come l' ôte, on l' sait bén k' il est ene eure, ti n' as nén dandjî del dire troes côps! (E. Pècheur).
Ratourneures
  1. djalot come li coucou, djalot come on coucou
  2. setch come on coucou
  3. i gn a pont d' prumî d' avri ki l' coucou nel dit; i gn a pont d' dijh d' avri ki l' coucou nel dit
  4. >> les Coucous: sipotaedje des djins di Lorci.
    Coucou, Vole partot; Fåt k' on t' schoûte. Tins k' Lorci s' alourdeye (P.J. Dosimont).
Mots d' aplacaedje
Fås amisse

E francès, li coucou, come plante, c' est l' bråye-di-tchet.

Ortografeyes

Si vos irîz rnaxhî dins des ôtes motîs, et trover l' mot "coucou", riherez ciddé li scrijha do mot ki vos î avoz trové, et l' rahouca do motî el djivêye.

Mins l' mot n' est nén todi dins :

Ratournaedjes

Flag of France.svg Francès

Sustantif

singulî pluriyal
coucou coucous

coucou f.

  1. (oujhea) coucou (mot scrît e francès come e walon).
  2. (plante) bråye-di-tchet.