diewåde

Walon (Rifondou)

Etimolodjeye

Spotchî aplacaedje di : «ki Diè vs wåde».

Mot-fråze

1. bondjoû (a tolminme kéne eure).
   • Dj' åreu volou dire «diewåde» a Lisbete K' ele ratindaxhe, k' ele ni dveut nén s' presser Mins po m' mostrer, dji n' esteu nén schayete C' est on måleur k' on pantalon trawé — Charles Duvivier de Streel (fråze rifondowe).
   • CROUFIER. - Prindoz bén asteme a tot çou k' dji vs a dit. (Tot sortixhant) Dièwåde, Djeråd. (I sôrtixh pal fond).
     DJERÅD. - Årvey, Croufier. — Antoine Bouhon, Les Brixhes da Gèrâ, 1900, sinne X, p.27 (fråze rifondowe).
   • Po m' vini dire «diewåde» si vite ki l' djoû pondeut, l' oronde betchtéve so m' cwårea (Bernard Bellefontaine).
2. årvey.
   • NANESSE. - Awè, i fåt esse rintré po soper. Madame mi bele-feye sereut måle… I våreut mî d' esse ås incuråbes, binamêye. Årvey, disca dmwin.
     COCOSSE. - Diewåde ! — Toussaint Brahy, Toussaint Brahy, œuvres wallonnes posthumes, Ine Copenne so Beaufils, 1887, p.44 (fråze rifondowe).
     
3. dierin årvey.
   • Sins nole astådje, nos aléns so Paris,
     Dj' åreu volou dire diewåde a Lizbet,
     K' ele ratindaxhe, k' ele ni dveut nén si presser ;
     Mins po m' mostrer dji n' esteu nén schayete ;
     C' e-st on måleur k' on pantalon trawé. — Charles Duvivier de Streel, "Li pantalon trawé" (1849) (fråze rifondowe).
   • Dji n' vou pus dire diewåde a tos cis k' endalèt; Ouy, si dji di diewåde, c' est ås cis ki dmorèt — Jean-Pierre Vervier (fråze rifondowe).
   • Tant k’ on dvize di charlatans,
     Metans el minme wåde
     Tot kî dvant les flamingants
     Ni brait nén « Dièwåde ! ». — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « C’è-st-ine couyonåde», 1922, p.129 (fråze rifondowe).
   • Djan n' ourit nén l' tins do dire diewåde ås clokîs di Lidje — Joseph Mignolet, Vè l' loumîre, (1922) (fråze rifondowe).

Ratourneures

1. endaler sins dire bondjoû ni diewåde

Sinonimeye

• (bondjoû) : Loukîz a : « bondjoû »
• (årvey) : Loukîz a : « disca »

Ortografeyes

Divant 1900 :

• jewade : E212 ^(lére)
• jewâde : E212 ^(lére)
• dièwâtt : E203 ^(lére)

Après 1900, foû rfondou (Feller, Feller ricandjî, nén Feller) :

• Djo wâde : E200 a "Djo"
• Diè-wåde : E170 a "Diè"
• Diè wâde : E200 a "Diè"
• Djo wande : E165 p. 109
• diè-wåde : E1 a "diè"
• Djè wâde : E200 a "Diè"

E rfondou walon :

• diewåde : R10 ^(lére)

Ratournaedjes

bondjoû Loukîz a : bondjoû

• Francès : bonjour ^(fr), salut ^(fr)
• Neyerlandès : dag ^(nl)

årvey Loukîz a : disca

• Francès : au revoir ^(fr), salut ^(fr)
• Neyerlandès : dag ^(nl)

Sustantif

singulî	pluriyal
diewåde	diewådes

diewåde omrin

1. fijhaedje di dire « dièwåde ».
   • I s' plêhîve è covint come on rwè s' tchestê,
     I magnîve li pan chal come on bokèt d' wastê
     Avou tos l's-incuråbes, il èsteût camaråde :
     C'èsteût lu l' prumî, ciète, a vos sohêtî l' dièwåde,
     On k'nohéve si bon coûr, totes sès quålités. — Joseph Vrindts, « Pâhûles rîmês » (1897), "A l'pwète dès incurâbes" (avri 1878), p.56.

Ratournaedjes

diewåde

• Francès : adieu ^(fr)