halcrosse

Walon (Rifondou)

Etimolodjeye

Aplacaedje di : « hal » (« hol ») (avou candjmint d’ voyale) et crosse.

Addjectif

	singulî	pluriyal
omrin	halcrosse	halcrosses
femrin padrî	halcrosse	halcrosses
femrin padvant	halcrosse	halcrossès

halcrosse

ki n’ tént pus.
- Li pont d’ bwès, lu k’ a tant des feyes
  Poirté pezant,
  Lu ki dmaneut roed come ene beye,
  E deur corant,
  Ni våt pus ene tchike ; il est halcrosse. — Joseph Vrindts, ”Vîx Lîge” (1901), p.159-160, “Li Vîx Molin” (fråze rifondowe).
- Ci côp cial c’ est fini : li toet hosse, et pår li litea d’ l’ ouxh k’ est pô-z etait et halcrosse. — Arthur Xhignesse (fråze rifondowe).
- A ! Come i dvént halcrosse li pôve pitit poncea
  Ki rloye les êrives do rew et k' hosse e mantche,
  La k' ses langowès coxhes et kékès viyès plantches
  Sont divnowes viermouyeuses do mossea
  — Louis Lagauche, "L' inmant" (1947), p. 75 (fråze rifondowe).
ki n’ tént pus bén so ses pîs (tot djåzant d’ ene djin).
- Ene Lidjwesse esteut si halcrosse
  Ki s’ curé l’ codåna e l’ fosse,
  Nosse fontinne lyi fjhît si grand bén
  K’ ele î pierda l’ droet d’ etermint. — Lambert de Ryckman (fråze rifondowe).
- Tot halcrosse, li vî ome si leva di s’ fåtûle et ramoenner ene plinne botaye di gote. — G. Heusdain, (sourdant a recråxhî).
- Mins, come dji so todis flåwe èt hal’crosse,
  Et qu’dj’a so m’tåve dès prudjes èt dès ôl’mints,
  Ni v’côrcîz nin, si, po scrîre sorlon m’gos’,
  Dj’a hèré m’pène èl botèye… ås lav’mints !
  — Émile Wiket, Fruzions d' cour, p.171.
- Et, cwand c' est k' e l' ivier, do tins des longuès shijhes,
  Li scrinî, tot halcrosse, contéve ci råvion la,
  I n' mankéve måy do dire ås djonneas k' el schoûtént :
  «Et vola, mes efants, come li tchinne s' a rvindjî !». — Henri Simon, "Li rvindje di l' åbe (fråze rifondowe).
- Li walon, c’ est ddja on halcrosse bouname, mins i frè seur rire li Laid Wåtî cwand il irè lyi dmander ene gote. — Arthur Xhignesse, « Bwègnes mèssèdjes » (1905), p.8 (fråze rifondowe).
stroupyî.
- Tot djonnes, i sont dedja halcrosses,
  Li noere fabrike a crevinté
  Ces deus pôves k’ ovrént sol minme posse ! — Joseph Vrindts, « Pâhûles rîmês » (1897), «On mariège d’èstroupîs», p.100 (fråze rifondowe).
ki n’ est pus foirt pouxhant, tot djåzant d’ ene usteye.
(linwince) k’ on scrît mins k’ on n’ prononce nén, tot djåzant d’ ene lete.
- Li halcrosse E ; les halcrossès cossounes metowes å coron des mots.

Sinonimeye

(sinse 1) : siclimboigne
(sinse 2) : xhalé

Sipårdaedje do mot

w. do Levant

Ortografeyes

Divant 1900 :

halcrosse : E89 ^(lére)
halkross : E177, E178, E184, E203 ^(lére)

Après 1900, foû rfondou (Feller, Feller ricandjî, nén Feller) :

alcrosse : C1
halcrosse : E1, E170, S117

E rfondou walon :

halcrosse : R9 ^(lére), R10 ^(lére), R13

Li mot n’ est nén dins : C8

Ratournaedjes

halcrosse

Francès : bancal ^(fr), bancroche ^(fr), instable ^(fr), branlant ^(fr), caduc ^(fr)

halcrosse

Francès : bancal ^(fr), cagneux ^(fr), mal foutu, boiteux ^(fr)

halcrosse

Francès : obsolète ^(fr)

halcrosse

Francès : muet ^(fr)

Sustantif

singulî	pluriyal
halcrosse	halcrosses

halcrosse femrin

li ci (cene) ki n’ tént pus bén so ses pîs.
- I gn aveut, dizo ces poirtikes, on hopea d’ malådes, des aveules, des stroupyîs, des halcrosses, ki rawårdént ki l’ aiwe bolaxhe. — Jean-Marie Lecomte, Evandjîle sint Djan (ratournaedje) (fråze rifondowe).
- Fåt-i croere ki les brûts, et tot l' disdut del veye
  Sont la, telmint prezints k' i vs fjhèt-st-ene kipagnêye
  Et ki, cwand c' est d' on côp k' on n' ôt ni huze ni muze
  On s' prind a-z-aveur sogne, come on halcrosse ki tuze?
  — Guy Fontaine (fråze rifondowe).
çou ki n’ est pus foirt pouxhant.
- Ci serè des cwåtletes, come vosse cwåte Bancontact, ki vont replaecî ces grosses zonzons d’ disketes 3,5 pôces la, ki tchedjront ôte tchoi ki les minåbes 1.400.000 bits di ces halcrosses la. — Lucyin Mahin.

Ratournaedjes

çou ki n’ est pus foirt pouxhant

Francès : rebut ^(fr), pacotille ^(fr)