xhalé

Walon (Rifondou)

Prononçaedje

Loukîz a : « xhaler »

Pårticipe erirece

	singulî	pluriyal
omrin	xhalé	xhalés
femrin	xhalée	xhalées

xhalé omrin

1. pårticipe erirece omrin do viebe del prumire troke: «xhaler».
   • Li tchvå a todi xhalé, mågré les droukes et les broûlaedjes.
   • Mi pince-gripe n' a polou aveur stî xhalêye ki d' on målapate come vos.

Ratournaedjes

p.er. di "xhaler"

• Francès : boité ^(fr)

Addjectif

	singulî	pluriyal
omrin	xhalé	xhalés
femrin padrî	xhalêye	xhalêyes
femrin padvant	xhalêye	xhalêyès

xhalé omrin (come addjectif djondrece, metou padvant u padrî l’ no)

1. ki xhale.
   • Dji n' rote nén rade a cåze di m' xhalêye djambe.
2. ki n' est nén droet.
   • Dji n' aveu k' on xhalé boket d' bwès.
   • li mantche di vosse locet est tot xhalé — Motî Gilliard (fråze rifondowe).
   • vosse roye est tote xhalêye — Motî Gilliard (fråze rifondowe).
3. ki n' va pus bén, po on mimbe.
   • Avou mi accidint, dji so xhalé des deus bresses.
4. ki n' a ni rime ni rame
   • Vos payrîz tchir tos vos xhalés messaedje! — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Lès curés ont trop' du syince
     Lès scoles libes trop' du sucsès
     Lès parints trop' du consyince,
     Twè t' n' as k' on hoûlé projèt!
     — Camille Gaspard.
5. di mwaijhe cwålité, tot djåzant di bire, di vén, di gote.
   • I n' dimoréve pus k' del xhalêye bire.
   • (I m' on dné) ene xhalêye gote — D.T.W.
6. dierin, tot djåzant del dierinne pitite pîce di manoye, après on furlaedje.
   • I m' dimeure djusse on xhalé franc — D.T.W.

Parintaedje

Loukîz a : « xhaler »

Sinonimeye

• (ki n' est nén droet): cron, crawieus
• (di ptite cwålité): fayé, pitit, saké

Ortografeyes

Divant 1900 :

• halé, halaie : E203

Après 1900, foû rfondou (Feller, Feller ricandjî, nén Feller) :

• chalè, chaléye : C8
• chalé : O0
• houlé : E1, E170
• chalé, chalêye : C106, S117
• chalé, chaléye : O4
• halé, halaie : E213
• shalé, shaline : E165 p. 136.
• chalè : C1, C13, O2
• halé : E1
• hyalé, hyaline : E200

E rfondou walon :

• xhalé, xhalêye : R9 ^(lére), R10 ^(lére), R11 ^(lére)
• xhalé : FR13 (a "boiteux" & "handicapé")
• chulé : R1 (vî vî rfondaedje di 1992)

Li mot n’ est nén dins :

Ratournaedjes

ki xhale

• Francès : boiteux ^(fr)

ki n' est nén droet

• Francès : tordu ^(fr), difforme ^(fr), , bancal ^(fr)

ki n' va pus bén, po on mimbe

• Francès : handicapé ^(fr)

di mwaijhe cwålité

• Arabe marokin : 3eyyan =‎ عيّان
• Inglès : poor ^(en)
• Francès : lamentable ^(fr), minable ^(fr), misérable ^(fr), piètre ^(fr), piteux ^(fr), pitoyable ^(fr)

Sustantif

	singulî	pluriyal
omrin	xhalé	xhalés
femrin	xhalêye	xhalêyes

xhalé omrin

1. onk ki clepe.
   • Ele n' a nén dandjî d’ on xhalé — D.T.W.
   • Dj' a rapoirté bén des rmédes
     Ki vs n' avoz nén co veyou
     Po les mås d' tiesse, les mås d' vinte
     Po les xhalés, les bossous
     Ou s' i gn a k' ont ene agaesse, ki dmandèt del fé råyî
     Dj' a cial ene ptite tricoijhe
     Ki vs råye djusk' a vos deus pîs
     — Li camrade dè l'joie, Chanchet Barillié, 1852 (fråze rifondowe).

Ratournaedjes

onk ki xhale

• Francès : boiteux ^(fr)