pitit

Walon (Rifondou)

Plinne cogne	Spotcheye cogne
pitit	ptit

Etimolodjeye

Tayon-bodje gayel * « pitittos » (minme sinse).

Prononçaedje

• AFE :
  • diferins prononçaedjes : /pi.ˈti/ /pɪ.ˈtɪ/ /pœ.ˈtœ/ /py.ˈti/ /pɛ.ˈti/ /pœ.ˈti/
  • prononçaedje zero-cnoxheu : /pi.ˈti/
• Ricepeures : pi·tit

Addjectif

	singulî	pluriyal
omrin	pitit	pitits
femrin padrî	pitite	pitites
femrin padvant	pitite	pititès

pitit omrin

1. nén grand, nén hôt.
   • C’ esteut ene pitite feme, mins c’ est leye ki poirtéve li marone.
2. nén rlomé, nén ritche.
   • Nos n’ estans k’ des ptitès djins.
3. djonne.
   • C’ est vosse pitit frere ?
   • I n’ a k’ troes ans, il est co ptit.
   • Zande Miye l' a schapé bele: il a polou dmorer dlé s' feme et ses ptits efants. — Paul Moureau, Contes d' aprandjire, 1932, Les cougnous dèl boune cinsrèsse, lijhåve e Feller vaici (fråze rifondowe).
4. eployî po moster a ene sakî si ataetchmint.
   • A ! vla nosse pitit camaråde !
   • Dji n’ freut måy di må a m’ pitite feme.

Ratourneures

1. si fé tot ptit, si fé li pus ptit possibe

Parintaedje

• pititesse, pititmint
• pitiveus, pitiveuzmint
• raptiti, raptitixhaedje, raptitixhant

Mots d’ aplacaedje

• pitit no
• pitit pilé, pitit cok di brouwire
• pitit grani
• pitit schî, pitit fier
• Pitit Djezus
  • fleur do Ptit Djezus
• Pitite Notru-Dame
• Pitit Lé, Pitit Mayni, Pitit Rtchin (viyaedjes)
• Pitidjan, Pitipas (nos d’ famile)
• Loukîz a : pitite

Sinonimeye

• minou

Dizotrins mots

• crikion, rawete, rawtea
• racoulot ; Loukîz a : « racoulot »

Rilomêye do mot

Li mot dins on tite di live, di gazete, di soce, di marke

• Li ptit Bert : roman da Auguste Laloux

Ortografeyes

Divant 1900 :

• pti : E203 ^(lére)

Après 1900, foû rfondou (Feller, Feller ricandjî, nén Feller) :

• pètit, pètite / p’tit, p’tite : C8, O4
• pitit, pitite / p’tit, p’tite : E34
• pëtët : JDes
• pitit / ptit : C8

E rfondou walon :

• pitit, pitite / ptit, ptite : R10 ^(lére), R13

Ratournaedjes

ki n' a nén ene grande taeye

• Arabe marokin : صغير ^(ary) = صْغير =‎ çghir
• Almand : klein ^(de)
• Inglès : small ^(en)
• Espagnol : pequeño ^(es)
• Francès : petit ^(fr)
• Neyerlandès : klein ^(nl)
• Kimon amazir marokin : ⴰⵎⵥⵢⴰⵏ ^(zgh) =‎ amẓyan (Mîtrin Atlasse), ⴰⵎⵥⵉ ^(zgh) =‎ amẓi (chleu)

Sustantif

singulî	pluriyal
pitit	pitits

pitit omrin

1. onk ki n’ est nén grand.
   • Les ptits valèt bén les grands.
2. djonne efant.
   • Mi feme ratele d' aboird li ptit
     Ki, tot foû d' lu, piede li tiesse. — Martin Lejeune, Œuvres lyriques du poète wallon Martin Lejeune, p.147, « Nos ‘nn’ alans » (fråze rifondowe).
   • Monsieu Nanård dimanda al feme kimint k' il aléve å ptit k' aveut manké do neyî dierinnmint. — Joseph Vrindts, Li pope d'Anvers, (1896), p.76 (fråze rifondowe).
   • Li ptit, ci n’ est pus Boule-di-Gôme … c’ e-st on fjheu d’ rimeas ! — Arthur Xhignesse, Boule-di-Gôme, 1912, p.27 (fråze rifondowe).
3. djonne di biesse.
   • E-n on bounî d' dorêyès påtes
     Ki l' solo d' djulete vént mawri,
     L' ålouwete vole d' ene betcheye a ses ptits. — Jean Dessard, D'ine cohe so l'aute, 1939, p.29, Amon lès oûhês (1934) (fråze rifondowe).
4. pitite djin.
   • Les araedjîs, avou leu påye,
     K’ i loumèt d’ Fexhe et ki l’ diåle åye,
     Cisse påye ki, dispoy deus troes ans,
     Fwait setchi les ptits et les grands,
     Cisse påye ki dji lome on tchinisse,
     Di tchagrin m’ a fwait vni l’ djaenisse ! — Marian de Saint-Antoine, Paskeie di J’han Sapire, poirteu â seigge, 1795, tecse lijhåve e Feller vocial et schoutåve vola (fråze rifondowe).

Ratournaedjes

1. c’ est todi les ptits k’ on spotche
2. c’ est todi l’ gros pexhon ki magne li ptit