rawete

Loukîz eto : rawtea.

Walon (Rifondou)

Etimolodjeye

Tayon-bodje latén « adaugere » (rihåssî, rogminter, radjouter, ragrandi), avou l’ betchete « ri- » des viebes, avou l’ cawete « -ete », mot cité dins l’ FEW 24 135a.

Prononçaedje

AFE :
- prononçaedje zero-cnoxheu : /ʀa.wɛt/ (minme prononçaedje pattavå)
Ricepeures : ra·wete

Sustantif

singulî	pluriyal
rawete	rawetes

rawete femrin

sacwè ki vént å dzeu d' on martchî, po rén.
- C’ est l’ wastea, veyoz vs, k’ il apoite,
  Et l’ ome n’ a ki l’ tins di sondjî
  Al dringuele k’ on e-st oblidjî
  Di lyi dner tot rçuvant l’ rawete. — Joseph Vrindts, « Pâhûles rîmês » (1897), «Li brute dè jou des royes», p.115 (fråze rifondowe).
- Mins l’ solo vout ene rawete,
  Divant do taper djus. — Jules Claskin, « Airs di flûte et autres poèmes wallons », édition critique de Maurice Piron, 1956, « Li plope », 1923, p.33 (fråze rifondowe).
- Il ont metou deus pådjes di rawete dins l' gazete "Li Rantoele" avou des belès letes (del prôze eyet del powezeye).
(pus stroetmint) novele pitite cwantité d' amagnî.
- On raspexhit l' såce avou ene rawete di Mayizena — Båze di dnêyes di l’ Årdene nonnrece (fråze rifondowe).
- Dinez mu ene pitite rawete di fritches: dji creve di fwin.
- Acdinez m’ ene rawete di frambåjhe.
ptit boket.
- Kî d' vos-ôtes pout, tot s' tracassant, ralongui s' vèye d'one rawète? — Jean-Marie Lecomte, Evandjîle sint Djan (ratournaedje).

Ratourneures

munutes di rawete (fotbal) munutes k' on djouwe après l' eure et dmeye, po ratraper l' tins pierdou po les côfrans, li moennaedje-evoye des coixhis, evnd. F. minutes additionnelles, arrêts de jeu.
cwårs d' eure di rawete (fotbal) deus cwårs d' eure k' on rdjowe cwand les ekipes sont-st a ewålité après les 90 munutes d' on matche di cope. F. prolongations.
e rawete : padzeu l' martchî
- Avou des imådjes di ptits tchets, i gn a des tchances k’ i fouxhe on calindrî apoirté pa l’ ome del posse ; si c’ est des femes nén foirt mousseyes, i pout esse da « Pireli » mins, si e rawete vos î trovez do walon, vos poloz wadjî k’ i vos vént d’ « Rabulets ». — José Schoovaerts.
d' rawete : suplémintaire, k' on radjoute.
- Mi feme m' a ridné kékes djoûs d' condjî d' rawete — Lucyin Mahin.
- Po n’ nén fé pôvriteus, on m’ aveut leyî egadjî ene dijhinne di violons d’ rawete. — Émile Sullon.
Co ene rawete? : Vloz co on boket?
- El violoneu fijheut s’ pitit possibe
  Mins ndè faleut co dpus po les djins di ç’ nute la
  Et c’ esteut å tchanteu k’ on dmandéve l’ impossibe
  Alez ! co ene rawete; après ça on s’ erva. — Julos Beaucarne (fråze rifondowe).
pol rawete : po wangnî ene pougnêye di cwårs padzeu l' martchî.
- Pwis motoit, pol rawete, ene coine do paradis,
  Avou ses miyons d' andjes ås roslantès djoufletes,
  Les doûcès årmonreyes k' on-z î etind todi,
  Et ses vôsseures d' airdiès fôrmèt des glorietes. — Martin Lejeune, “ Œuvres lyriques du poète Martin Lejeune” p.144, « Bébé rèy ås andjes » (fråze rifondowe).
- Cwand l' mestré aveut djouwé ses troes ptitès danses, abén i tournéve avou s' calote, et s' il esteut contin des ptits sôs k' i ramasséve, ebén, i djouwéve on passe-pî pol rawete — Serge Fontaine (fråze rifondowe).