n’ aveur wåde

Walon (Rifondou)

Etimolodjeye

Shûte des mots : « n’ » + « aveur » + « wåde », lu-minme calcaedje do francès « n’avoir garde ».

Vierbire

n’ aveur wåde (v. å coplemint nén direk eployî avou li dvancete « di ») (+ viebe)

ni nén si sinti djinné, coupåbe do fé ene sacwè.
- Dji n' a wåde di vs gourer — Motî Forir (fråze rifondowe).
- Li societé m' kinoxhe, ele sait bén ki dj' n' a wåde
  Do fé des frawes å djeu ; et, come t' es m' camaeråde,
  Profite di l' ocåzion, ti pous vni hardeymint.
  C' est mi ki respond d' tot, çoula ni t' costeyrè rén. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.33 (fråze rifondowe).
- Por zels, l’ efant e-st ene ehale,
  Et l’ pere n’ a wåde di s’ tourminter. — Joseph Vrindts, Vîx Lîge, (1901), p.50, “Li Pèqu’teu” (fråze rifondowe).
- Si ene sakî k’ vike so blancs poes
  Nos paye des soucådes,
  Avou lu, do fé li stroet,
  Nolu n’ årè wåde. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « C’è-st-ine couyonåde», 1922, p.128 (fråze rifondowe).
ni nén fé ene sacwè k' on divreut.
- I drouve on ptit coutea d' potche et atake påjhûlmint a peler ene orandje. I oistêye li pelote djusse comifåt: ni trop tene, ni trop spesse. I n' a wåde do leyî del blanke pule, la k' si stoumak a målåjhey el didjerî. — Jean-Pierre Dumont (fråze rifondowe).
ni nén voleur ene sacwè.
- Si djoû et nute i tuze a s' grand manaedje,
  Li cour sol mwin, i n' a wåde do rovyî
  On målureus ki n' pout pus fé si ovraedje,
  Ki n' pout pus hay et k' est tot mesbridjî. — Henri Forir, Blouwett lîgeoiss, On pansiona, 1843, p.25 (fråze rifondowe).
- Vivå Sint Linå, nosse<!-nost--> bon pere
  Ki ns veyans si voltî !
  Divins nos poennes et nos mizeres
  Ns n' avans wåde del rovyî. — François Barillié, Li camarad′ dè l'joie, Li Chant des Houïeux ou l’Joû d’ Saint Lînâ, 1852, p.77 (fråze rifondowe).
- Mins ki vou dju dire, Crespin, irans ns fé ene porminåde?
  Bén seur. Do dmani cial, dji respond ki dji n' a wåde. — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
- On aveut la po siervante li bele Båre
  Et come Wiyåme ni s’ aveut måy maryî,
  Ses camaerådes ni manként nén do dire,
  K’ i n’ årént wåde do mete on doet e feu
  Ki li bon mwaisse, çoucial afwaire do rire,
  Avou s’ coujhnire ni s’ mostraxhe co vigreus. — Joseph Kinable, Les crostillons, 1889, Inte l’ouhe et l’ posti ou l’ekneie qui jâse, p.31, mwaisse modele lijhåve cial (fråze rifondowe).
- Dji magne çou k' dji pou sins djeryî dpus,
  Ca dji n' a bén wåde di m' casser l' cabu. — Jean Bury, Joyeux rèspleus, (1899), "L’awoureux Colas" (fråze rifondowe).
- Et çou k' on n' a wåde do rovyî,
  C' est do boere, ostant k' do magnî,
  Po k' on s' plaijhe. — Jean Dessard, D'ine cohe so l'aute, 1939, p.112, Fåt qu’on s’ plaise (1922) (fråze rifondowe).
- Et twè don, vî souwé, ti n’ aveus wåde di m’ dire ki t’ fi djeryive so m’ feye ?
  BODSON. (riyant) – Mi, dji tome des nûlêyes ! — Joseph Mignolet, Al bèle fontinne, 1924, p.53 (fråze rifondowe).