nourson

Walon (Rifondou)

Etimolodjeye

Bodje « nour- » ‎(« nouri »), avou l’ dobe cawete « -son ».

Prononçaedje

• AFE :
  • diferins prononçaedjes : /nuːʀ.ˈsɔ̃/ /nuː.ˈsɔ̃/
  • prononçaedje zero-cnoxheu : /nuːʀ.ˈsɔ̃/
• Ricepeures : nour·son

Sustantif

singulî	pluriyal
nourson	noursons

nourson o.

1. pitit påpåd ki s’ mame nourixh.
   • Bleu come on bleu reve di nourson — F. Dewandelaer (fråze rifondowe).
2. (mot des cinsîs) nourin (pitit pourcea).
   • Dji va comincî a ecråxhî m' nourson.
3. (mot d’ pexheu) tot ptit pexhon ki vént d' disclôre.
   • Bén binamé, li mwaisse del pexhreye nos mostra tos ses batchs avou des tos ptits pexhons, des noursons, come des makes d’ ataetche — F. Nyns (fråze rifondowe).

Omofoneye possibe

• nourixhon (nourson)

Ortografeyes

Après 1900, foû rfondou (Feller, Feller ricandjî, nén Feller) :

• noûsson : FNyn
• noûr'son : E1
• noûrson : O4
• nourson : O3
• nour'chon : O0

E rfondou walon :

• nourson : R10 ^(lére)

Li mot n’ est nén dins : R13

Ratournaedjes

• F. nourisson.
• F. cochon de lait.

± tot ptit pexhon ki vént d' disclôre

• Francès : alevin ^(fr)