pavêye

Walon (Rifondou)

Sustantif

pavêye femrin

1. coû d’ ene måjhon (avou des pavés u sins).
   • Elle a froyî ses shabots sol toitche ådzo del pavêye — Joseph Calozet (fråze rifondowe).
   • I m'a co rshonné ôre roter sol pavêye — Manfred Lejoly (fråze rifondowe).
   • Ene volêye di djins, bén binåjhes di s' discoidler, adschind sol pavêye — Léon Bukens (fråze rifondowe).
   • Li ptite côrete a ddja leyî tchaire ene foye u l' ôte kel vint broushtêye dissu l' pavêye — Lucien Somme (fråze rifondowe).
   • Et ashiowe so m' tcheyire, dj' esteus bén edoirmowe
     Cwand des bruts el pavêye d' on côp mi dispiertît
     — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Plic ! ploc !
     I ploût.
     Su nosse pîssinte
     C’èsteut dès cindes
     Là qu’ c’èst dès broûs !
     Plic ! ploc ! Ça tchaît
     Dissus m’ visadje ;
     In gros nuwâdje
     Qu’èst là qui braît.
     Maîs dji sé bin
     Qu’après l’ nûwèye
     Li solia r’vint
     Su nosse pavèye
     — Lucien Somme.
2. voye avou des pavés.
   • Scran, sonkenaiwe, e schape dins ses trawêyès sandales, li schineu saetche ses djambes tot di long del pavêye — Henri Pétrez (fråze rifondowe).
   • E fjhant l' concours des berwetes on djoû d' dicåce al Målavêye, dj' aveu ridé disso l' pavêye — Robert Mayence (fråze rifondowe).
   • Tchén d' corote, twè ti halcote avå l' pavêye,
     I sereut tins k' on t' fiestixh — André Gadisseur (fråze rifondowe).
3. (pa stindaedje) grand-rote.
4. tchimin metou a costé des tchenås po hertchî les bateas.
   • Li hertchaedje est åjhey so cisse pavêye ci.

Ratourneures

1. Cwand on magne les cougnous sol pavêye, on magne les oûs el coulêye.
2. Rote tot droet, c’ est tote pavêye dijhêye po fote ene sakî a l’ ouxh.}

Sinonimeye

• (coû): schayeye
• (voye): levêye, tchåsseye

Ratournaedjes

• F. cour, patio.
• F. chaussée.
• F. grand-route.
• F.chemin de hallage.