potchî d’ ene coxhe so l’ ôte

Walon (Rifondou)

Etimolodjeye

Shûte des mots : « potchî » + « d’ » + « ene » + « coxhe » + « so » + « l’ » + « ôte »

Vierbire

potchî d’ ene coxhe so l’ ôte

1. candjî tot d' on côp d' sudjet.
   • -A-dju todi oyou dire ...
     -Dji potche so ene ôte coxhe
     Dji m' saetche todi d' afwaire
     — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • I gn a lontins, båshele, ki dj’ lé dvins vos pinsêyes… Vos potchîz so ene ôte coxhe, edon ?... Ki l’ Bon Diu voye ki ç’ soeye po vosse bouneur. — Joseph Mignolet, « Al Bèle Fontinne », comèdèye di treûs akes, 1924, p.29 (fråze rifondowe).

Sinonimeye

sôter d’ ene brantche so l’ ôte

Ratournaedjes

potchî d’ ene coxhe so l’ ôte

• Almand : vom Hundertsten ins Tausendste kommen ^(de)
• Inglès : to jump from topic to topic
• Espagnol : saltar de un tema a otro
• Francès : sauter du coq à l'âne ^(fr)
• Itålyin : saltare di palo in frasca ^(it)