potince

Walon (Rifondou)

Etimolodjeye

Tayon-bodje latén « potentia » (minme sinse).

Prononçaedje

AFE :
- diferins prononçaedjes : /pɔ.ˈtɛ̃ːs/
- prononçaedje zero-cnoxheu : /pɔ.ˈtɛ̃ːs/
Ricepeures : po·tince

Sustantif

singulî	pluriyal
potince	potinces

potince

femrin tcherpinte di bwès…
1. …po pinde on codåné.
  - Ele ni l' aveut nén cwité dispu l' prijhon disk' å djubet, ey elle a toumé roede moite dizo l' potince — Gaston Lucy (fråze rifondowe).
2. (mot d’ mônî) … po lever li pire tournante d' on molén, po poleur rabiyî li pire doirmante.
omrin djin ki meritreut d' esse pindou
1. laid metchant ome.
  - T' e-st on vî potince. — Motî Forir (fråze rifondowe).
  - I nos tneut a l' ouy ; li laid vergogneus potince, avou s' tiesse di bouldogue — Georges Alexis (fråze rifondowe).
  - (La l' telefone ki m' dispiete.) Vergogneus potince ! — Paul-Henri Thomsin (fråze rifondowe).
  - Mins l’ pôve potince si trouve djourmåy e l’ djinne
    Si l’ djoye fwait plaece ås måleurs, ås guignons. — Louis Lagauche, Amon nos autes, tchansons tchusèyes, (1908-1912), «Inmans-nos» p.46 (fråze rifondowe).
  - LEYONTINE. - Potince di Lafleur, va. (Ele rimplixh si vere.)
    LAFELUR. - Vos frîz on clapant djårdinî, loukîz, vos.
    LEYONTINE (ki repoite li botaye sol bufet). - Pinsez vs ? — Jean Lejeune, Po marier Lèyontine, 1928, ake I, sinne IX, p.12 (fråze rifondowe).
  - BIETME. – T’ as vnou å monde avou ene hamlete, twè, potince ?...
    TOUMAS. – Vola cénk pårts e-n erote k’ i wangne !...
    FRANCWES. (riyant) – Çoula fwait dijh pat’cous* amon l’ frezé Lakeye ! Djouwans ns co ? — Joseph Mignolet, Li vwè dè clokî, 1926, p.18 (fråze rifondowe).
  - — Pauve sot potince, i forcrèhe po l’ amou qu’on lî dit qui s’ feume èst-agalèye !… Bâbô!… dishombe-tu dè wayemer l’ djalos’rèye, si ti n’ vous nin toûrner a bordon d’ canada. — JVtt, (1924), I tint s’ Feume à l'’oûy!.
2. (radoûcixhanmint) pitit rmouwant efant.
  - Dji nel dinreu nén po ene minire,
    Li potince … et dj' croe k' el sait bén ;
    I m' freut ddja ene toûpe et s' mete a rire
    Tot catchant s' vizaedje e s' vantrin. — Jean Dessard, D'ine cohe so l'aute, 1939, p.58, Mi fis (1902) (fråze rifondowe).
  - Li docteur ricmanda k' el potince n' endalaxhe nén kèkes djoûs a scole — David André (fråze rifondowe).

Sinonimeye

tcherpinte di bwès po pinde on codåné

metchant ome

Ortografeyes

Divant 1900 :

potinss : E203 ^(lére)

Après 1900, foû rfondou (Feller, Feller ricandjî, nén Feller) :

potince : O0, O4, E1

E rfondou walon :

potince : R10 ^(lére)

Ratournaedjes

tcherpinte po pinde on codåné

Francès : potence ^(fr)

onk ki meritreut d' esse pindou

Francès : gibier de potence ^(fr), pendard ^(fr)

Waitîz eto

Lijhoz l’ årtike potince (discramiaedje) so Wikipedia