rawårder

Walon (Rifondou)

Etimolodjeye

Do viebe « wårder », avou l’ betchete « ra- » des viebes.

Prononçaedje

• AFE :
  • diferins prononçaedjes : /ʀawɔːʀde/ /ʀawaːʀde/ /ʀawaːʀdiː/ /ʀawaʀdɛ/ (betchfessî å)
  • prononçaedje zero-cnoxheu : /ʀa.wɔːʀ.ˈde/
• Ricepeures : ra·wår·der

Viebe

rawårder (1^ire troke) (codjowaedje)

1. (viebe å coplemint) ratinde.
   • Dji n’ so nén pindou a on clå po t’ rawårder — Motî d’ Bastogne (fråze rifondowe).
   • Il aveut dit k’ i vénreut, mins djel rawåde co — Motî d’ Bastogne (fråze rifondowe).
   • I rawåde l’ ocâzion — Motî d’ Bastogne (fråze rifondowe).
   • DJETROU. – Fåt i dire k’ il amonte ?
     TÅTÎ. – Neni, rawårdez ene gote…
     Dji sowe… dji tronne… mes djambes divnèt come des clicotes… — Édouard Remouchamps, Tåtî l’ Pèriquî, 1884, Ake III, sinne XII, v. 936-937 lijhåve e Feller vaici (fråze rifondowe).
   • Zèls, qui n’ savèt k’mint s’y prinde po nos k’bouyî, ni sont nin co là wice qui les qwate boûfs ont passé, qui rawârdèsse, c’ est tot loum’tant qu’ on s’ broûle. — Joseph Vrindts, Tot tûsant, (1924), Nos vilès Potales, p.285.
   • E ptit hamtea, la k' les eraires,
     Les trepsins, les îpes, les shoflots
     Sol panlet d' ene foidje tote foû scwere
     Rawårdèt l' medcén marixhå. — Louis Lagauche, Li p'tit hièrdî, (1926), p. 25 (fråze rifondowe).
   • Tot frisse ådvins, li vî posson
     Rawåde, a s’ clå, li ci k’ a soe. — Joseph Docquier (fråze rifondowe).
2. (v. å coplemint nén direk eployî avou li dvancete « après ») ratinde k’ ene sakî passe ou vinxhe, k’ ene sacwè s’ passe.
   • Nos rawårdans après vos — Motî Toussaint (fråze rifondowe).
3. (v. sins coplemint) ratinde sins rzultat.
   • Tot vént a pont å ci ki sait rawårder — Motî d’ Bastogne (fråze rifondowe).
4. (pus stroetmint) ratinde k' ene sakî fwaiye ene sacwè.
   • I les fåt comprinde, sire …I rawårdèt ki vos lzî dnexhe les çanses k' il ont dandjî, po remantchî tot l' cwårtî d' Amécour k' a stî metou a bokets avou les canons des Prûssyins — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 31 (fråze rifondowe).

Ratourneures

(cwand on ratind ene sacwè ki n’ vént nén)

1. k’ arive co kî ki ç’ soeye i n’ a k’ a rawårder
2. li ci ki n’ a pont d’ poennes è rawåde
3. rawåde, va ! : po mancî ene sakî.
4. rawårder famile

Parintaedje

• rawåde
• rawårdaedje, rawårdeu, rawårdance, rawårdiveus, rawårdåjhe

Sinonimeye

• ratinde, atinde, tårdjî, schoûter

Sipårdaedje do mot

w. do Levant, Basse Årdene (Bijhe)

Ortografeyes

Après 1900, foû rfondou (Feller, Feller ricandjî, nén Feller) :

• rawårder : E170
• rowanrder : E165
• rawârdî : JDoc
• rawârder : S0
• rowârder : E200
• rawâde : S0

E rfondou walon :

• rawårder : R10 ^(lére), FR13 (a « attendre »)

Li mot n’ est nén dins : R13

Ratournaedjes

Loukîz a : « ratinde »

• Francès : attendre ^(fr)

rawåde, va !

• Francès : tu ne perds rien pour attendre