après

Walon (Rifondou)

Etimolodjeye

Aplacaedje di : «a» + «près».

Prononçaedje

• AFE :
  • prononçaedje zero-cnoxheu : /a.ˈpʀɛ/ (minme prononçaedje pattavå)
• Ricepeures : a·près

Divancete

après (nén candjåve)

1. mostere ene sacwè k' endè shût ene ôte, dins l' tins.
   • Insi, dins l' veye, tot est reglé: Après l' ivier vénrè l' esté; Adon pocwè s' ecatiner?
   • Après l' shijhe, gn aveut co des scolîs k' el ratindént et i n' a nén fwait mene di vleur après — Gilbert Renson (fråze rifondowe).
2. do costé di.
   • C' est on motî d' après Nameur.
3. mostere ene sakî, ene biesse k' on saye d' atôtchî.
   • Dji creye après lu, mins i n' ôt nén.
   • Dji ratind après leye dispu deus eures.
   • Dji cour après lu et dj' l' apice på hoûssea do dos.
   • Il est ratchemi après leye.

Ratourneures

1. après nos, les moxhes, après nos, les viers al cawe
2. tchet d' après l' Sint-Djhan

Mots d’ aplacaedje

• après-nonne, après-prandjire, après-l'-dinner, après-l'-marinde, après-doze-eures, après-midi
• après-cwatre-eures
• après-dmwin
• d' après
• cori après
• rindou après, assoti après
• airi après, trezairi après

Sinonimeye

passé

Contråve

(po sacwè ki shût dins l' tins): divant (avant)

Fås amisse

e francès, «après» n' a nén l' sinse di «do costé di», ni waire «voleur ridjonde»

Rilomêye do mot

Li mot dins on tite di live, di gazete, di soce, di marke Les diccionaires walon-francès da Chantal Denis eyet da Lucien Somme ont come sortite «Motî d' après Nameur et avår la»

Ortografeyes

Divant 1900 :

• apret : E177a, E203

Après 1900, foû rfondou (Feller, Feller ricandjî, nén Feller) :

• après : C1, C8, C9, E1, E21, E34, O0, O2, O3, S17, S117

E rfondou walon :

• après : R10 ^(lére), R13

Ratournaedjes

mostere ene sacwè ki shût dins l' tins.

• Inglès : after ^(en)
• Francès : après ^(fr)
• Neyerlandès : na ^(nl)

saye d' atôtchî, di djonde

• Inglès : after ^(en)

Adviebe

après (nén candjåve)

1. a on moumint pus tård.
   • Leyî çoula d' costé; on l' frè bén après.

Ratourneures

1. dimwin u après

Ratournaedjes

a on moumint pus tård

• Inglès : after ^(en), afterwards ^(en)
• Francès : après ^(fr)
• Neyerlandès : daarna ^(nl)

Sustantif

après (nén candjåve)

1. dins l’ ratourneure : «a l' après di»

Francès

Divancete

après femrin

1. après (mot scrît e francès come e walon, mins k' a des sinses diferins)