sawoura

Walon (Rifondou)

Etimolodjeye

Do viebe « sawourer » avou l’ cawete « -a »; mot cité dins l’ FEW 11206b.

Prononçaedje

• AFE :
  • diferins prononçaedjes : /sa.wu.ˈʀa/ /sa.wi.ˈʀa/ /saw.ˈʀa/ (minme prononçaedje cåzu pattavå)
  • prononçaedje zero-cnoxheu : /sa.wu.ˈʀa/
• Ricepeures : sa·wou·ra

Sustantif

singulî	pluriyal
sawoura	sawouras

sawoura omrin

1. gosse d' èn amagnî, d' ene abwesson.
   • (I cnoxhe bén) l' sawoura des tchårs — Motî Forir (fråze rifondowe).
   • Ça n' a nou sawoura — Motî Toussaint (fråze rifondowe).
   • Çoula n’ a ni gosse ni sawoura — Motî Forir (fråze rifondowe).
   • C' est l' minme frut, mins il a des sawouras sorlon l' contrêye did wice k' il a crexhou.
2. gosse d' ene sacwè k' on voet voltî, dins s' tiesse.
   • Mins verts ou noers, les inme onk come l' ôte,
     Leu sawoura come leu djus m' estchantèt
     Ou m' fjhèt rovyî cwand l' måleur mi ravôteye
     Ca ces poes la, c' est tos mes ptits couplets. — Louis Lagauche, Tchansons tchusèyes, (1908-1912), «L'éritèdje» p.73 (fråze rifondowe).
   • Po on lingaedje k' on dit halcrosse,
     Mondju ! ké sawoura, ké gosse (tchanté pa Christiane Stefansky).
   • {{lang|wa-fel|On-z-a minme, racrèhou nosse pârler. On l'a neyi, awè! Nin avou d' l'ewe di Moûse, savez! Avou de vinêgue francès èt minme anglès! On nos-a-st-èmantchî on "brouwèt" d'lingadje qui n'a pus l'sawoura dè tins passé! — Paul-Henri Thomsin.
3. (mot d’ fiziolodjeye) sinse ki lait sawourer les alimints.
   • Dj’ a l’ boke broûlêye, dji n’ a pus nou sawoura.
   • Cwand on a li chnope, on n' a nou sawoura — Motî Toussaint (fråze rifondowe).

• 

Parintaedje

• rassawoura,
• Loukîz a : « sawourer »

Sinonimeye

• (saweur d' èn amagnî): rassawoura, sawourance, gosse, sawe
• (sinse di poleur goster): sawe, rassawoura

Ortografeyes

Divant 1900 :

• sawoura : E203 ^(lére)
• sawrat : E212 ^(lére)

Après 1900, foû rfondou (Feller, Feller ricandjî, nén Feller) :

• saoura : E167, E213
• sawera : E200
• sawra : E165
• sawira : E175 (a "sawirance", p. 300)
• sawoura : E1, E170
• saw'ra : E21, E212b

E rfondou walon :

• sawoura : R10 ^(lére), R11 ^(lére)

Li mot n’ est nén dins : S0

Ratournaedjes

gosse d' èn amagnî, d' ene abwesson

• Inglès : taste ^(en)
• Francès : goût ^(fr), saveur ^(fr), sapidité ^(fr)
• Itålyin : gusto ^(it)
• Neyerlandès : smaak ^(nl)
• Polonès : smak ^(pl)

sinse ki permete di sawourer

• Inglès : gustation ^(en)
• Francès : goûter ^(fr)
• Neyerlandès : smaakzin ^(nl)

Waitîz eto

Lijhoz l’ årtike sawoura so Wikipedia