zuvion

Walon (Rifondou)

Etimolodjeye

Mot-brut «zûf» (brut d' flåwe shoflaedje), avou rvuzlaedje del cossoune avou l’ dobe cawete « -ion »; (noûmot eplaidî pol prumî côp diviè 1900) (e 1893).

Prononçaedje

AFE :
- prononçaedje zero-cnoxheu : /zyː.ˈvjɔ̃/ ^{aschoûtez lu} (minme prononçaedje pattavå)
Ricepeures : zu·vion

Sustantif

singulî	pluriyal
zuvion	zuvions

zuvion omrin

(mot d’ meteyo) (belès letes) pitit tchôd vint.
- On sinteut les frisses zuvion del vesprêye.
- Li tere a strimé si noûve mousseure
  Et, come les stoeles do firmamint,
  Les florins d' ôr maytèt l' verdeure
  K' on doûs zuvion hosse påjhûlmint. — Jean Dessard, D'ine cohe so l'aute, 1939, p.15, Avri (1897) (fråze rifondowe).
- Et li ptite fleur di nos praireyes,
  Fruzixhante di binåjhisté,
  Ecinse li zuvion ki passe. — Joseph Vrindts, ”Vîx Lîge” (1901), p.185, “On peu dè Solo” (fråze rifondowe).
- (Li ptit påwion cavoléve di fleur a fleur, sins s' voleur "maryî" a ene); Si camaeråde li doûs zuvion
  lyi dit: «vs åroz a l' rigreter»
  Ca cwand vénrè l' fén del såjhon,
  Ele vos rboutront, sins pus d' façon — Joseph Durbuy (fråze rifondowe).
- Li mèlêye, tot hoûtant l’ zûvion
  Djåser d’ mohe-à-l’ låme èt d' påvion,
  Hågne è l’ prairèye si noûve mousseûre… — Joseph Mignolet.
- Loukîz don dzeu l' Årdene l' aireur ki s' diswalpêye
  Tot distindant les stoeles ene après l' ôte, å cir !
  Et l' zuvion ki hansixh so ene hole et claire nûlêye,
  Semer ene hiede di blankès berbis, sol bleu d' acî. — Louis Lagauche, L'aimant, (1947), A l’Årdène, p. 145 (fråze rifondowe).
- Ca firs et francs n' sont i nén, sol grande påjhûle sitindêye d' aiwe, k' on ptit zuvion vént aduzer tot l' reschandixhant! — Lucyin Mahin, Vera (fråze rifondowe).
- Cwand ki dj' sins les doûs zuvions do bontins ki fjhèt tressiner les foyes des hesses, lére ene fådlêye etire di papîs å mitan des bwès est bråmint pus plaijhant ki vochal e buro — Lucyin Mahin, Vera (fråze rifondowe).

Ratourneures

i n’ passe nou zuvion : i fwait stofant, sins on poy d' air. Franwal: ahåyant po: aucun souffle de vent. Etimolodjeye: bodje "zû"; cawete -ion, avou on V d' raloyaedje,

Sipårdaedje do mot

w. do Levant

Ortografeyes

Après 1900, foû rfondou (Feller, Feller ricandjî, nén Feller) :

zûvion : E1, E34, E167, E175, E213, G203 p. 134

E rfondou walon :

zuvion : R10 ^(lére), R13

Li mot n’ est nén dins : E200, E203

Ratournaedjes

pitit tchôd vint

Francès : brise ^(fr), zéphyr ^(fr)

Waitîz eto

Lijhoz l’ årtike zuvion so Wikipedia