årvô

Walon (Rifondou)

Etimolodjeye

Dodobe mot * « år » (air) + tayon-bodje latén « volutus » (tourné) : air tourné ; pa l’ voye do vî francès « arvout », « arvolt ».

Prononçaedje

• AFE :
  • diferins prononçaedjes : /ɔːʀ.ˈvõ/ /ɔːʀ.ˈvoː/ /õʀ.ˈvõ/ /aːʀ.ˈvõ/ /aʀ.ˈvoː/ (betchfessî å), (betchfessî ô, halcrosse rîlêye)
  • prononçaedje zero-cnoxheu : /ɔːʀ.ˈvõ/
• Ricepeures : år·vô

Sustantif

singulî	pluriyal
årvô	årvôs

årvô omrin

1. (mot do bastimint) bastixhaedje del cogne d’ èn air.
2. (pus stroetmint) dimey rond basti ådzeu d’ ene poite d’ eglijhe u d’ bele måjhone, cisse-ciale metowe ene miete ådvins.
   • I s’ a stî mete a l’ ahoute dizo l’ årvô et leyî passer l’ plouve.
   • Les amoureus dimorént des eures e l’ årvô.
3. air e maçonreye a l’ intrêye d’ ene rouwale, ki passe dizo l’ astaedje d’ ene måjhon, u po on rû passer dizo on molén.
   • Neni mins l’ intrêye di l’ årvô,
     N’ esteut por lu k’ on xhiyî trô
     La ki l’ mådrea s’ catche, vis apogne. — Joseph Vrindts, ”Vîx Lîge” (1901), p.78, “Li p’tit Pît’lé” (fråze rifondowe).
   • Èn årvô po ridjonde «Sol Martchî» a replaecî ene pitite rouwale. — Jeanine Counson (fråze rifondowe).
   • Dizo l’ årvô, n a deus ombions ki s’ candôzèt e li spexheur. — Marcel Slangen (fråze rifondowe).
4. plaece dins ene eglijhe, on palås, ene abeye, ene bele måjhone avou on plafond e-n air.
   • Il aveut fwait l’ plan do magazin : les buros estént dins des ptits årvôs å fond.
5. (pus stroetmint) pitit tchapistrea a l’ intrêye d’ ene cåve ki rexhe direk divant l’ ouxh (lomé årvô d’ cåve.
   • I tnént botike e l’ årvô.

• 
  Èn årvô di rouwale (Marok).
• 
  Èn årvô di poice (Limbôr).
• 
  « A L’ARVO », alomåcion walone d’ ene galreye d’ årt.
• 
  Èn årvô a Chartreuse (Lidje).

Parintaedje

• årvolou
• årvoler, årvolaedje

Sinonimeye

• (bastixhaedje e-n air) : åtche
• (divant d’ ene eglijhe) : poice, tchapistrea

Mots vijhéns

• (bastixhaedje e-n air) : dimey rond, dimey ceke, vôsse, vôsseure

Ortografeyes

Divant 1900 :

• ârvo : E177a ^(lére)
• aûrvo : E177a ^(lére)
• arvau : G0

Après 1900, foû rfondou (Feller, Feller ricandjî, nén Feller) :

• årvå : E34
• arvô : O0, S117
• ârvô : E21
• arvau : S38b
• årvô : E1, E34
• arvå : S117

E rfondou walon :

• årvô : R9 ^(lére), R10 ^(lére), R11 ^(lére)

Li mot n’ est nén dins : C8, R13

Ratournaedjes

bastixhaedje e l’ cogne d’ èn air

• Inglès : arch ^(en)
• Francès : arche ^(fr), arc ^(fr), voûte ^(fr), volute ^(fr)

ouxh refoncé

• Francès : porche ^(fr)

passaedje avou on toet e dmey rond

• Francès : passage voûté ^(fr)

Waitîz eto

• Lijhoz l’ årtike årvô so Wikipedia
• Lijhoz l’ årtike åtche (årtchitecteure) so Wikipedia