Sujet sur Uzeu copene:Reptilien.19831209BE1/Flow

@Lucyin@Reptilien.19831209BE1@Matuzåd Bondjoû, dj' espere ki ça a stî ci drole di Noyé ci.

dji n' pinse nén ki l' sinse di "båjhe" åye li minme etimolodjeye ki betch d' oujhea.

Dj' a purade les pinses ki ça sereut l' cogne picåde di båjhe (=> baije => baidje; sol wicionaire picård i gn a "basier, bager" come cognes po båjhî), ki s' a foirt sipårdou (on l' dit eto e francès d' Walonreye).

Do côp, dj' endè freu on mot a pårt (avou scrijhaedje "betche"; c' est insi sol DTW pol moumint)

Nén simpe :

• O0, O2 et O90 : bètch po les deus sinses
• O3 : bèc et bètche (båjhe)
• O4 : bètch et bètche (båjhe)

E francès et picård, li mot est femrin mins e walon il est omrin.

Divins O3, la k' on trouve bèc, li ratourneure ça bètche ! (do viebe bètchî), mot d' pexheu, po dire kel pexhon a stî prins, est raloyî avou bèctâdje.

Cwand on-z î sondje, e francès eto on dit di deus djins ki s' båjhnut k' i s' bécotent (bécoter).

Dins O0, taper a bètch (« lès-amoureûs tap’nut a bètch ») : si rinde des båjhes.

Oyi, li mot est omrin, e cåzu tot avå s' prononcî l' minme ki l' betch des oujheas.

Mins c' est nén l' minme mot; soeye-t i ki c' est l' minme etimolodjeye di "båjhe"; soeye-t i ki ça soeye on svierba di "betchî" (ki, lu, est on viebe fwait sol mot "betch").

So O4 c' est l' minme prononçaedje, mins on scrijhaedje diferin.

soeye-t i ki ça soeye on svierba di "betchî"

Dji clintchreu dins c' sinse la... Dji vos shû po betche, acertiné mwins côps divins l' literateure : Google Books.

Sorlon Les Dialectes belgo-romans, volumes 14-15, p. 248 : « in bètche, qu’on rapproche à juste titre du "flamand een beetje" ». A mins nonna ! çou n' est nén l' minme bètche, ki vout dire ene miete.

Dji n' a måy veyou beetje eployî e walon (e, ça sereut dins ç' cas la, purade bêtche, mi shonne-t i).

Pol cweraedje Google Books, i gn a motoit mwints rzultats, mins ça shonne esse tofer li minme live :-) Ça shonne esse on no d' plaece ou d' djin, la k' ça n' shût nén li scrijhaedje do latén; et c' est minme metou e clintcheyès letes.

L' ôte rizultat, c' est la do walon, et c' est eto on no d' plaece (Betche aux Roches, mwais transcrijhaedje francès di Betche al Rotche, ene ponte di rotche ki betche surmint)

Dins les rzultats, on trouve eto ene referince pol pîce di teyåte Pou in bètche da Eloi Boncher, 1902 (Anouwaire del SLLW, bibioteke Èl Môjo dès Walons).

U co « On s’done in bètche » divins Létâré 2002 da Raymond Honoré, 2002

Gn a co deus ôtes tecses ki dji n' arive nén a rtrouver l' tite, metans :

• « Mayanne, arwèr, done m’in bètche ! » (La Terre Wallonne v. 15 p. 265)

Dji so seur k' on ndè trouvreut co ds ôtes.

Dji n' sereu nén conte di fé deus mots, veyanmint les astocas.

Po l' ôte "betchë", dji l' a rescontré on côp u deus dins Barry (dins do Sourdant:FBar)

Rifondans l' e minme tins: i fåt ki l' dierin E ni soeye nén halcrosse, mi shonne-t i. Li pus simpe sereut: c' est on betchë pus målåjhey; mais l' lete ë n'egzistêye nén (co) e rfondou. Adon, cwè fé? (betche, betcheu et betchu ni vont nén, por mi).

Dji n' trouve nén di "bètchë" dins l' DTW; avoz des fråzes d' egzimpes ? Ca d' après çou ki dj' voe di l' eployaedje del cawete -ë, ça pôreut esse ene disfondowe di betchou; oudonbén di betchî. D' après l' sinse di vosse fråze (si dj' el cmprind bén, "on betchë + addj. = ene miete + addj. = ene betcheye + addj.), ça shonne esse ene cogne omrinne di betcheye (a rifonde betchî adon). C' est bén ça ?

Pol ratourneure : taper a betch(s) u taper a betche(s). Por mi l' deujhinme n'a pont d' sinse. Si dner des côps d' betch c' est bén imådjreçmint di dner des båjhes. On l' metreut avou betch purade ki betche ?