Sujet sur Uzeu copene:Srtxg

Bondjoû Pablo,

Deux ptits ponts :

• Gn a-st ene pitite flotche divins l' DTW : c1atch'réye [O4] (avou l' tchife onk)
• Divins FO94 on trouve clatchéye, dji pinseu k' Bastén aveur rovyî l' R mins come ci mot la est eployî dvins l' Anouwaire del SLLW lº 29, 1921, p. 92, dins ci sinse la, dji n'a pus nole dotance. El kesse c' est : on les mete eshonne u on fwait deus mots ?

Lére Deux →‎ Deus et aveur rovyî →‎ aveut rovyî.

Loukîz eto a classeu sol DTW : c1asseûr.

Â! ça fwait k' i gn a yeu des programes di ricnoxhance otomatike di caracteres d' eployîs dins les prumîs djoûs do DTW (c' est impossibe di fé cisse flotche la al mwin).

C' esteut les deus seus dins l' cas, shonne-t i.

Po çou k' est di clatch(r)éye; come les deus cawetes egzistèt, c' est nén djusse ene variance di prononçaedje, mins deus mots (sinonimes motoit).

Po clatchreye c' est clair; li cawete -reye sol bodje B d' on viebe, ça dene on mot avou l' sinse, ene miete veyou do mwais costé, di manire di fé l' accion (clatchaedje = neute; clatchreye = c' est pus tcherdjî emocionelmint)

Po l' ôte, si c' est l' minme sinse (aplôdixhmint), dji m' dimande si ça n' sereut nén purade li cawete -êye (sinse 2) => clatchêye. O4 eploye -îye po -eye et -éye po -êye (oyi; por mi -réye est ene miete drole po -reye; mins i gn a sacwants egzimpes dins O4 (a costé d' ôtes avou -rîye))

Po clatchéye dji direu avou -êye, come po : bèrwèter > bèrwètéye.

Dins l' DTW i gn a eto, avou fok ene disfondowe -réye dins O4 :

• cins’réye (tos les dmorants d' ene cinse) : cinsreye ou cinsrêye ?
• cour’réye (tos les dmorants d' ene cour) : courreye ou courrêye ?

Dji sereut po scrire -reye; mins dji n' so nén seur.

I gn a ossu moûréye (li fwait di mori bråmint; es:mortandad, fr:mortalité); moreye, moraye, morêye ?

Et tant k' dj' î sô... monsèl'rîy, monsèl'réye (=bordjoesreye); la li cawete est claire; mins est çki l' bodje ni sereut nén moncea ? do côp moncelreye (purade ki monselreye) ?

Et po çou k' est del disfondowe claker, claquer (E1) : claker/claquer dès mins, on l' mete avou clatchî, la ki gn a clakî (O4), claki (E212), come po betch k' a des disfondowes avou l' son K ? U bén on fé on dobe rifondaedje come po : clotche/cloke ?

Et po craker (C9) divins l' ratourneure : craker des dints, fåt i vey on ridaedje L > R : claker > craker ; u bén on ristitchaedje di R : caker (caker des dints) > craker ? A mete tot biesmint avou craker ?

Dji n' saveut nén ddja k' i gn aveut ene dobe rifonde clotche/cloke (et dji m' dimande s' i n' fåreut nén ri-rfonde cloke; les seulès disfondowes avou "tch" c' est dins C8 et les scrijhaedjes e rfondou; les cognes avou "k" sont bén pus lådje sipårdowes)

Cisse doblete k/tch est assez corante; endè fé ene dobe rifondowe a tchaeke côp va ene miete siconte di l' idêye do rfondaedje. Po ç' mot la, dji metreut claker, claquer come disfondowes di clatchî.

Po çou k' est di « craker des dins », si on nel trouve ki dins cisse ratourneure la (dj' ô bén, pont d' intrêye tote seule); dji freut ene roye dins l' hagnon "ratourneures" do mot "craker" avou :

• craker des dints : metou po « caker des dints ».

Est çki l' viebe "caker" est metou dins C9 ? motoit ki l' viebe n' î est nén corant, et do côp il a ridé viè on mot cnoxhou (ça arive sovint dins les ratourneures; come e francès "ne connaître ni d'Eve ni d'Adam", ki vénreut di èn nén cnoxhe "ni d'envers ni de devant" (la k'on rtournéve les moirts après ene batreye po sayî s' saveur kî k' c' esteut))