Sujet sur Uzeu copene:Lucyin/Structured Discussions Archive 1

Bonswer Lucyin et @Reptilien.19831209BE1@Srtxg,

Dj' a veyou ki vs avoz ritnou l' cogne "plamor ki" et nén "plamour ki".

Houte do rilomé "diyaloke di payizans", av veyou cisse cogne ene sawice?

On pout ahiver on novea årtike Feller "plamor ki", dai, mins candjî ene cogne scrîte dins on scrijhaedje do vintinme sieke et dvins li Sint Motî Haust pa ene cogne pus waire eployêye insi sins nol ôte astoca, çoula n' a por mi ni rime ni rame.

Vola pocwè i m' shonne ki, po rashir des mots råles, våt kécfeye mî eto mete li fôme coinrece.

Amiståvmint

Dj' a les pinses ki l' cogne "plamor" est dins sacwants motlîs d' vî walon (motîs d' mots d' årtchives, nén dins l' djivêye). "amor" est co come mwaisse intrêye dins li Sourdant:E203.(a costé d' "amour"). "plamô" eto dins Sourdant:G0

plamor esteut li rfondowe do DTW (https://dtw.walon.org/index.php?id=9121), et c' est l' cene ki dj' aveu e l' tiesse.

Gn a nou "sint motî" po li rfondaedje. Dins ç' cas la, gn a cénk cognes po relére divins:

| plamor = R10, diyalokes (?), motîs d' årtchives

| po l'amour = E1 a « amour »

| p’ l'amou = E1 a « amour »

| p’ l’amô = G0 T.II p. 232

| po l’ amou = J. Vrindts

On l' pout mete "so balance" disk' a on raploû des rfondeus => "plamour"

E vî walon c' esteut « amor », come on l' pout lére divins l' Rekeuil d’opéra Ligeois (1750) ; ou co divins E212 avou « amoreusmin ». Adon, c' esteut lodjike d' awè : « amor » et « po l'amor (di/ki) ». Mins e walon d' asteure c' est « amour » (riprins do francès). Did la, i shonne lodjike d' awè « amour » et « po l' amour (di/ki) ». Divins C1 on pout lére « po l'amoûr dè Dieû » (p. 244) k' on scrît e Rfondou : « po l' amour di Diè/Diu », nén « po l' amor di Diè/Diu ».

Si on vout esse dins les rîles, on dvreut rfonde « plamour » (e-n on mot ??? « po » est-i spotchåve e Rfondou ???). Mins, come c' est on vî vî mot (troke di mots) ki rote come ene aloyrece avou on sinse especiå, ça n' mi tchoke nén d' awè on scrijha diferint ki mostere bén k' c' est on mot do vî vî timps ; del minme k' on screye « sacwè » et nén « saicwè » (on n' dit pus « sa » mins « sai(t) », do viebe sawè), del minme k' on dit « todi » avou « di » (on vî vî mot) ki vout dire « djoû ».

Li mot a stî "rapexhî" pa Tiri Dumont, si dj' l' etind bén, a pårti di vîs papîs e walon, et atåvlé té ké. I n' aveut pus stî eployî dispu Vrindts, pinse dju. Did la, reployî pa les rfondeus. Å cmince, dji croe k' on a minme siervou "amor" po "amour".

"plamor" est eployî dins 7 pådjes do Wikipedia; "plamour" dins 11 pådjes.

« po » n' est nén spotchåve e rfondou (mins bén e Feller : p' on côp), mais cial, c' est on w:spotchî aplacaedje ki s' a fwait la des ans et des razans.

Dji wådreu don plamor, mågré k' dj' a scrît ossu sovint plamour.

"plamor" 2 côps so walon.org, "plamour" î est 6 feyes.

Divins l' Rantoele gazete :

• plamor : lº 24 et 40
• plamour : lº 65, 81, 82, 84, 85 et 91

Oyi, dji pinse k' on-z a cmincî avou "plamor" (vîs papîs) ey erîler après avou "amour" => "plamour". @Srtxg vos, Pablo, cwè ndè djhoz ? Fåreut mete li minme cogne totavå (DTW + Wikipedia + Wiccionaire). Ou adon prinde les deus come dobe rifondowe ???

Si dji voe dvins on tolminme scrijhaedje ene cogne ou l' ôte, dji vis fijhrè saveur cwè.