todi

Walon (Rifondou)

Etimolodjeye

Aplacaedje di : « tot » et l’ bodje « diem » (djoû).

Prononçaedje

AFE :
- diferins prononçaedjes : /tɔ.di/ /tu.di/ /tɔ.dœ/ (cåzu k’ deus prononçaedjes), (oyon O.OU)
- prononçaedje zero-cnoxheu : /tɔ.di/
Ricepeures : to·di

Adviebe

todi (nén candjåve)

d’ ene manire ki n’ finixh måy.
- Dji vs voerè todi voltî, vos l’ Walonreye.
- Vos l’ etindoz todi tchîpler, soeye-t i l’ iver, soeye-t i, l’ esté. — Henri Simon.
- E walon, « amour » ni rime nén avou « todi ». — Charles Massaux.
mwints côps e-n erote.
- I vént todi m’ taener po-z aveur on bik.
ki deure todi, adon k' on pinséve ki ça s' aveut djoké.
- Si efant est todi al tete ?
- Li vint-cénkinme, vint-shijh, vint-set
  K' esteut todi li moes d' djulete,
  Il ouxhént prin Viene sins minti
  Sel bon Diu n' î euxhe nén aidî
  — Paskeye sol sidje et l' dissidjmint d' Wîne(1683) (fråze rifondowe).
mostere ki l’ deujhinme fråzlete est ene sipepieuse racsegne sol prumire, å mitan del deujhinme fråzlete.
- Si l’ moirt ni l’ abelit nén, i frè todi on laid moirt. — Motî d’ Bastogne.
- Å raesse, vos n' avoz k' 17 ans, å pus må, ci n' serè todi ki l' måjhone di coreccion. — Paul-Henri Thomsin, Maigret èt l’danseûse d’å Gai-Moulin, 1994, p. 18 (fråze rifondowe).
pareymint, al fén del deujhinme fråzlete.
- Est çk’ il est moirt ? Dji n’ pinse nén, todi. — Motî d’ Bastogne.
- -Dji n’ a d’ keure, ci serè l’ paradis
  Si dj’ a l’ bouneur di vs plaire, todi. — Martin Lejeune, Bultén del Societé d' Lidje, "Lu pauve ome èt l’amour" (fråze rifondowe).
- Dji n’ sai nén kî çk’ a spiyî ci cantea la ; c’ est nén mi, todi.
- L’ estat d’ Israyel ni dveut nén egzister ; c’ est çou k’ ces djwifs wårdiveus la pinsèt, todi.
- Dji n’ vos såreu dire s’ il årént l’ tins po vs aler copler, mins dimandez lzî todi : c’ est l’ honteus ki l’ piede. — Lucyin Mahin.
(après "c' est") ca.
- Vos f'rez di tot vosse mîs po bin l'atîtoter !
  C'èst todi l' dièrinne fèye qu'on l' pôrè gåy'loter. — Joseph Vrindts, Pâhûles rîmês, (1897), "A l'pwète dès incurâbes" (avri 1878), p.54.
mågré tot.
- Ele trova k' l' idêye esteut boune,
  Seulmint come i n' vineut personne,
  Djel båjha todi po cmincî !… — Jean Dessard, D'ine cohe so l'aute, 1939, p.19, Èl basse vôye (1923) (fråze rifondowe).
tolminme.
- Dis a t' pere k' i vegne, dji lyi xheyrè l' vinte, et il a bén fwait di nén vni al barke paski dji lyi årè xhiyî l' vinte, mins k' i vegne cwand i vout, dji lyi xheyrè todi. — Jean Lechanteur, Documents pour l'étude du wallon des 17e et 18e siècles, (52), 1790 (fråze rifondowe).
- TONTON (rivnowe a leye). - Leyîz m' raveur, todi !
  MATROGNÅRD. - Vs åroz fwait ene bele hope, ouy ! — Édouard Remouchamps, Tåtî l’ Pèriquî, 1884, Ake I, Sinne XI, v. 231 (fråze rifondowe).
- PENÊYE (a pårt, tot-z-intrant tot måva). – Çoula m’ gotéve e cour, k’ i rcwereut les båsheles !
  Mins k’ waite a s’ sogne, todi, ca sårè d’ mes noveles !
  C’ est ki, s’ i n’ sait çou k’ c’ est ki l’ bordon d’ on ådneus,
  I gn a ene sakî voci ki rade lyi apudreut ! — Édouard Remouchamps, Tåtî l’ Pèriquî, 1884, Ake III, sinne VI, v. 859-862 lijhåve e Feller vaici (fråze rifondowe).

Ratourneures

mondju todi !
c’ est ddja todi åk : c’ est mî k’ rén (po cwand k’ on-z rçût ene pitite sacwè mins k’ on ratind dpus).
li veye ki dmorrè todi : li veye, après leu mopirt fizike, po des cis k’ iront e Paradis, po les monoteyisses.
dispu todi et po todi ; dispoy todi et po todi
å rvey, todi : å rvey, po si djel rovyive totaleure (dijhêye d’ onk ki va ndaler, mins nén co do côp). On dit eto : disk’ a !
C’ est todi les ptits k’ on spotche
C’ est todi les gros pexhons ki magnèt les ptits
C’ est todi l’ aiwe ki doime ki neye