atincion

Walon (Rifondou)

Etimolodjeye

Tayon-bodje latén « attentio » ‎(« tindaedje di l'esprit eviè ene sacwè »), pal voye do francès « attention » (minme sinse).

Prononçaedje

• AFE :
  • diferins prononçaedjes : /a.tɛ̃ː.ˈsjɔ̃/ /a.tɛ̃ː.ˈʃɔ̃/ /a.tɛ̃.ˈsjɔ̃/
  • (pa rfrancijhaedje) /a.tɑ̃.ˈsjɔ̃/
  • prononçaedje zero-cnoxheu : /a.tɛ̃ː.ˈsjɔ̃/
• Ricepeures : a·tin·cion

Sustantif

singulî	pluriyal
atincion	atincions

atincion femrin

1. exhowe di l' esprit so ene sacwè.
   • « Dji vou k’ ele soexhe li piele di tote li creyåcion
     Metans î tote siyince et l’ pus grande atincion. »
     I prinda des fis d’ aviedje, les tressa come del soye
     Et lyi creya des tchveas blonds come l’ avoenne k’ on soye ;
     — Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).
2. keures, mirlifitches po ene sakî.
   • C' e-st ene bråve båshele : ele a tant d' atincion po s' veye mere — Motî Forir (fråze rifondowe).

Ratourneures

1. fé atincion : (pa rfrancijhaedje) prinde asteme.
   • Fé atincion a çou k' on dit — Motî Forir (fråze rifondowe).

Parintaedje

• atincioné
• atintif

Ortografeyes

Divant 1900 :

• ateinsion : E177a ^(lére)
• atincion : E203 ^(lére)

Après 1900, foû rfondou (Feller, Feller ricandjî, nén Feller) :

• atêcion : E34
• atinchon : E1
• atinsion : O3
• atincion : C1, C9, E1, E21, O0, O4
• atintion : E34

E rfondou walon :

• atincion : R13

Ratournaedjes

exhowe di l' esprit so ene sacwè

• Inglès : attention ^(en)
• Francès : attention ^(fr) applicatiion de l'esprit
• Neyerlandès : aandacht ^(nl)
• Rûsse : внимание ^(ru)

keures, mirlifitches po ene sakî

• Francès : attentions ^(fr), égards ^(fr)