avoenne

Walon (Rifondou)

Etimolodjeye

Tayon-bodje latén « avēna » ‎(« avena ») (minme sinse) (li mot latén a eto des ôtes sinses).

Prononçaedje

• AFE :
  • diferins prononçaedjes : /a.ˈvɔ̃n/ /a.ˈvoːn/ /a.ˈvɛ̃n/ /a.ˈwɛ̃n/ /a.ˈvɛn/ (betchfessî oen)
  • prononçaedje zero-cnoxheu : /a.ˈvɔ̃n/
• Ricepeures : nén rcepåve

Sustantif

singulî	pluriyal
avoenne	avoennes

avoenne femrin

1. (plante) dinrêye d' awousse ki l' påte vént a môde di xhiletes, ki l’ sincieus no, c’ est : Avena sativa.
   • « Dji vou k’ ele soexhe li piele di tote li creyåcion
     Metans î tote li syince et l’ pus grande atincion. »
     I prinda des fis d’ aviedje, les tressa come del soye
     Et lyi creya des tchveas blonds come l’ avoenne k’ on soye. — Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).
   • On côp k' les tchamps seront rsouwés et ragrawyî d' leu fîflinne, i fårè co ki dj' cour semer les frumints d' måss et les avoennes. — E. Tilleux (fråze rifondowe).
   • Dj' a veyou Blaise retcheryî tote l' avoenne.
   • Les tchvås, bén påjhirmint, crostiyèt leu-z avoenne. — Ernest Benoit (fråze rifondowe).
   • A Ôtêye, li mwaisse do sployon leya shofler s' ro dvant s' djîsse et s' lyi dna-t i ene muzete d' avoenne. — Joseph Mignolet, "Vé l’loumîre" (1922) (fråze rifondowe).
2. (mot d’ mônî) grins di cisse dinrêye la.
   • Dj' a rmolou on saetch d' avoenne.
3. (mot d’ pexheu) ces grins la dinés come amoice.
   • Et mes amoices, don, k’ estént cmandêyes ? Dj’ end a dji n’ sai cbén d’ sôres. (i drouve si saetch). Loukîz, vola del påsse ; cial, c’ est do sonk, pwis des viers, di l’ avoenne, des ceréjhes, do froumadje et co deus troes sôres ki dji n’ sai nén mi-minme çou k’ c’ est ! — Henri Simon, « Sètche, i bètche » 1889, (eplaidaedje da Jean Haust e 1936), p.36 (fråze rifondowe).

• 
  avoenne co vete
• 
  påte, did tot près
• 
  grins d' avoenne (ådzo a droete)

Ratourneures

1. ci n' est nén li tchvå k' a wangnî l' avoenne ki l' a
2. si les frumints n' vlèt nén meuri, les avoennes n' è plèt rén
3. dismetant k' l' avoenne crexhe, li tchvå mourt
4. trop d' avoenne et trop pô d' gorea; trop d' avoenne et trop pô d' corijhe : dijhêye po ene djin k' est grosse et ki n' boute nén u po des efants trop gåtés
5. on nelzî a nén metou ça po mzurer l' avoenne : dijhêye nén pikêye des viers po cåzer del counete d' ene kimere
6. on grin d' avoene ni pasreut nén inte ses fesses : il est serè; il a l' vessete.
7. ricôper les avoennes d' èn ôte : prevaleur, disvanci ene sakî.
   • Hay la, ni pinsans nén vni rcôper mes avoennes,
     Ca dji vs prevéns, Hinri, ki çoula m' freut del poenne
     — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).

Parintaedje

avoenner

Mots d’ aplacaedje

• laecea d’ avoenne

Dizotrins mots

cwaker

Ortografeyes

Divant 1900 :

• avônn : E177a ^(lére)
• avône : E212 ^(lére)

Après 1900, foû rfondou (Feller, Feller ricandjî, nén Feller) :

• awin.ne : C1, C13
• avon.ne : S0, S3, S17
• avène : O3, O5
• awène : O0, O2
• avon-ne : S5
• avinne : O4
• awînne : C9
• avône : E21, E34
• avonne : E1
• awinne : C8

E rfondou walon :

• avoenne : R10 ^(lére), R13

Ratournaedjes

dinrêye d' awousse ki påte a clotchetes

• Arabe : شوفان ^(ar) = شُوفَان =‎ choûfân
• Arabe marokin : خرتال ^(ary) = خرْتال =‎ khertal; خرتام ^(ary) = خرْتام =‎ khertam
• Almand : Hafer ^(de)
• Inglès : oat ^(en)
• Espagnol : avena ^(es)
• Francès : avoine ^(fr)
• Neyerlandès : haver ^(nl)
• Kimon amazir marokin : ⵜⴰⵎⵏⵙⵉⵅⵜ ^(zgh) =‎ tamensikht, ⵡⴰⵥⴽⴽⵓⵏ ^(zgh) =‎ waẒekkon

grinne (djusse cwand l' no est diferin do ci del plante)

• Inglès : oat ^(en)

Waitîz eto

Lijhoz l’ årtike avoenne so Wikipedia