beye

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « beye », el pout stitchî vaici.

Prononçaedje

• AFE :
  • diferins prononçaedjes : /bɛj/ /biːj/ /biː/ (betchfessî ey)
  • prononçaedje zero-cnoxheu : /bɛj/
• Ricepeures : nén rcepåve

Sustantif

singulî	pluriyal
beye	beyes

beye femrin

1. (mot des mnujhîs et scrinîs) bwès metou dizo les rayes di tchmin d’ fier.
   • Les piyotcheus avént des harcots po råvler inte les beyes, et rsaetchî les balasses sol costé. — Henri Lepage (fråze rifondowe).
   • Il a fwait les montêyes pdivant l’ ouxh avou des beye di tchmin d’ fier.
2. (mot d’ djeu) tchaeke pitit bwès stampé k’ on saye di stårer avou ene bole dins on rlomé djeu.
   • On-z a tchaeke ses ptitès idêyes,
     Cwand i s' adjiixh do s' amuzer ;
     Onk inme les colons, l' ôte les beyes,
     Come end a k' inmèt do tchanter. — Jean Dessard, D'ine cohe so l'aute, 1939, p.132, Treûs-oûs po ‘ne pèce ! (1906) (fråze rifondowe).
   • A pårt les beyes et les tchesteas d' cwårdjeus
     On n' a nén des cåkêyes di djoye
     E ptit viyaedje. — Louis Lagauche, Lès bèlès-eûres, (1928), p. 62 (fråze rifondowe).

Ratourneures

1. come on tchén e mitan d’ on djeu d’ beyes : ariver ene sadju la ki vos disrindjîz les djins.
2. aveur des boles ås beyes padzo les bresses : esse nawe.
3. diveur ene beye
4. fé totes les beyes
5. i n’ î cnoxhèt nén dpus k’ a rfé des beyes : c’ est des biesses (paski les beyes ni cassèt måy).
6. li Bon Diu djowe ås beyes : dijhêye po cwand k’ i tone.
7. ni fé nole beye
8. beye dizeu l’ tiesse.
   • Sins sondjî al beye ki lyi pindeut dzeu l' tiesse, Pire Halbôssåd ala li leddimwin å matén, come i l' aveut pinsé, trover monsieu Nanård. — Joseph Vrindts, Li pope d'Anvers, (1896), p.69-70 (fråze rifondowe).
9. promete ene beye
10. roed come ene beye
11. såmer ås beyes

Parintaedje

• biyete
• beyter

(minme sourdant etimolodjike)

• béle

Mots d’ aplacaedje

• boulet ås beyes
• djouweu ås beyes

Sinonimeye

• (po djouwer) : gueye, bolwere

Ortografeyes

Divant 1900 :

• beie : E177a ^{(sinse 2) (lére)}, E212 ^{(sinse 2) (lére)}
• bèie : E203 ^(lére)

Après 1900, foû rfondou (Feller, Feller ricandjî, nén Feller) :

• bêye : E34 ^{(sinse 2)}
• bîye : C8 ^{(sinse 1)}, O2 ^{(sinse 1)}
• bèye : E1 ^{(sinse 2)}, E2 ^{(sinse 2)}, E21 ^{(sinse 2)}

E rfondou walon :

• beye : R9 ^{(sinse 1) (lére)}, R10 ^(lére), R13 ^{(sinse 2)}

Ratournaedjes

bwès metou dizo les rayes di tchmin d’ fier

• Francès : traverse ^(fr) (de chemin de fer)

pitit bwès cizlé a môdedi botaye, po djouwer Loukîz a : gueye

• Francès : quille ^(fr)

Waitîz eto

Lijhoz l’ årtike djeu d’ beyes so Wikipedia