camper

Walon (Rifondou)

Etimolodjeye

Calcaedje do francès « camper » (minme sinse).

Prononçaedje

• AFE :
  • diferins prononçaedjes : /kɒ̃ː.ˈpe/ /kɑ̃ː.ˈpe/ /kɑ̃.ˈpe/
  • prononçaedje zero-cnoxheu : /kɑ̃ː.ˈpe/
• Ricepeures : cam·per

Viebe

camper (1^ire troke) (codjowaedje)

1. (v. sins coplemint) (mot d’ militaire) mete so pî on camp.
   • Camper todroet divant les innmis — Motî Forir (fråze rifondowe).
   • Nosse djenerå cnoxhe bén l' manire do camper — Motî Forir (fråze rifondowe).
2. (v. sins coplemint) esse dibout so ses djambes.
   • I n' campe pus so ses djambes télmint k' il est sô — D.T.W.
3. (viebe å coplemint) dressî.
   • Camper ene posteure so on pî d' soke — Motî Haust (fråze rifondowe).
   • Adon, i gn a pus k’ a tcheryî al berwete les schetes di bwès rifindowes et d’ les camper, aspoyeyes so les pikets, e lzî dnant on pô do pî viè l’ mitan et insi dner s' fôme al fåde — Louis Baijot (fråze rifondowe).
4. (viebe å prono) : Loukîz a : « s’ camper ».

Parintaedje

• campaedje
• campeu
• campmint
• discamper

Sinonimeye

dressî

• astamper
• elever
• stamper

Ortografeyes

Divant 1900 :

• kanpé : E203 ^(lére)

Après 1900, foû rfondou (Feller, Feller ricandjî, nén Feller) :

• camper : E1, E34, O0, O4
• campè : C1

E rfondou walon :

• camper : R13

Ratournaedjes

mete so pî on camp

• Francès : camper ^(fr)

dressî

• Francès : dresser ^(fr), élever ^(fr)