discrexhe

Walon (Rifondou)

Etimolodjeye

Do viebe « crexhe » avou l’ betchete « dis- » des viebes.

Prononçaedje

• AFE :
  • diferins prononçaedjes : Prononçaedje a radjouter
  • prononçaedje zero-cnoxheu : /dis.kʀɛʃ/
• Ricepeures : dis·crexhe

Viebe

discrexhe (v. sins coplemint) (5^inme troke) (codjowaedje)

1. divni pus ptit, pus court, ravaler, end awè moens.
   • Les djoûs discrexhèt.
   • Les cwårs discrexhént.
   • L' aiwe discrexhe. — Motî Forir (fråze rifondowe).
   • Al Sint Djan, les djoûs discrexhèt. — Motî Forir (fråze rifondowe).
   • Li pwin discrexhe.
   • Nosse vatche discrexhe. (= ele ni dene pus ostant d' laecea)
   • Cisse môde est revolêye,
     Et nos djonneas portant n' sont nén pus awureus ;
     Les tchawådes, les riyas ki csemèt so leus voyes,
     Kitchesront pol moumint, les ptits mås d' tiesse evoye,
     Mins n' sårént fé discrexhe ni les poennes ni les croes. — Joseph Vrindts, ”Vîx Lîge” (1901), p.142, “Li Trô Bottin” (fråze rifondowe).
   • Pus dschind on, pus s’ sint on discrexhe !
     Pus drene t on, pus nos rins s’ vôssèt ! — Jules Claskin, « Airs di flûte et autres poèmes wallons », édition critique de Maurice Piron, 1956, « Quî sét ?», 1909, p.135 (fråze rifondowe).

Parintaedje

• discrexhant, discrexhance, discrexhaedje

Ratourneures

• ça discrexhe : i gn a pus waire di tins a ratinde.

Ortografeyes

Divant 1900 :

• discrehe : E89 ^(lére)
• diskreh : E203 ^(lére)

Après 1900, foû rfondou (Feller, Feller ricandjî, nén Feller) :

• dèscrèche : O4
• discrére : C1, C8, C9, C13
• duscrèchi : S0
• discrèche : C1, C106
• duscrèhe : E34
• dèscrèchi : O4
• ducrèhe : E21, E34
• dicrèhe : E1

E rfondou walon :

• discrexhe : R9 ^(lére), R10 ^(lére), R13

Ratournaedjes

discrexhe

• Francès : décroître ^(fr), diminuer ^(fr), baisser ^(fr)