disfinde

Walon (Rifondou)

Etimolodjeye

Tayon-bodje latén « defendere » (avou on ristitchî S) pa assaetchance del betchete dis-.

Prononçaedje

• AFE :
  • diferins prononçaedjes : /dis.ˈfɛ̃ːt/ /dys.ˈfɛ̃ːt/ /di.ˈfɛ̃ːt/ /dy.ˈfɛ̃ːt/
  • prononçaedje zero-cnoxheu : /dis.ˈfɛ̃ːt/
• Ricepeures : dis·finde

Viebe

disfinde (viebe å coplemint) (5^inme troke) (codjowaedje)

1. (mot d’ militaire) protedjî ene djin, ene sacwè, siconte ene atake.
   • El Mîtrinne Ådje, les sôdårds n’ avént k’ des spêyes po disfinde li tchestea.
   • Amon nozôtes, les omes vont rade,
     Si rade,
     Si rade,
     Cwand i s’ fåt bate
     Po disfinde, di leus vilès cités,
     Les frankizes et les libertés. — Louis Lagauche, Amon nos autes, tchansons tchusèyes, (1908-1912), p.18 (fråze rifondowe).
2. (pa stindaedje do sinse) waeranti ene sacwè, ene sakî discontes des ôtes k' el volèt prinde ou fé do må.
   • Portant si pa hazård on-z oyeut pårler ds åbes
     On disfindreut vos nis, vosse veye, conte ces djubets
     A kî ls omes (ca c' est zels ki sont les vraiys coupåbes)
     Ont-st acsegnî l' måle voye å reuzer dvins les bwès. — Jean Dessard, D'ine cohe so l'aute, 1939, p.48, Pauves pitits oûhês (1910) (fråze rifondowe).
3. sotni ene idêye, fé valeur on droet.
4. èn nén permete, espaitchî.
   • Vos n’ ploz nén fé çoula, on vs el a disfindou.
   • Mins cwand on est strindou,
     On fwait po wangnî s’ crosse, minme çou k’ est disfindou. — Joseph Vrindts, Vîx Lîge, (1901), p.188, “Li Brac’neu” (fråze rifondowe).
   • Ci manire la do fé, sierveut a disfinde on passaedje, a espaitchî do passer ou po mostrer k' i gn aveut on dandjî. — Paul Gilles, Li twatche (fråze rifondowe).
5. (viebe å prono) : Loukîz a : « si disfinde ».

Parintaedje

• disfindåve
• disfindeu
• disfindou
• disfindance
• disfindrece
• disfinse
• disfinseu
• disfinsif

Contråve

waeranti disconte ene sakî, ene sacwè

• abroker
• ataker

ni nén permete ene sacwè

• leyî
• permete

Ortografeyes

Divant 1900 :

• difintt : E203 ^(lére)
• disfintt : E203 ^(lére)

Après 1900, foû rfondou (Feller, Feller ricandjî, nén Feller) :

• disfinde : C1, C8, C9, C13, E1
• difinde : E1
• dèsfinde : O4
• dusfinde : E34
• dufinde : E21, E34

E rfondou walon :

• disfinde : R10 ^(lére), R13

Ratournaedjes

protedjî ene djin, ene sacwè, siconte ene atake

• Inglès : defend ^(en)
• Francès : défendre ^(fr), protéger ^(fr)
• Neyerlandès : verdedigen ^(nl)
• Rûsse : защищать ^(ru) =‎ zachtchichtchat'

ni nén permete

• Inglès : to forbid ^(en)
• Francès : interdire ^(fr), défendre ^(fr), empêcher ^(fr)
• Vî grek : κωλύω ^(en) =‎ kôluô
• Neyerlandès : verbieden ^(fr)
• Rûsse : запрещать ^(ru) =‎ zaprechtchat'