edjalé

Walon (Rifondou)

Etimolodjeye

Bodje « djal-- », bodje A do viebe « djaler » avou l’ betchete « e- » d’ ecloyaedje avou l’ cawete « -é ».

Prononçaedje

• AFE :
  • diferins prononçaedjes : /ɛ.d͡ʒa.ˈle/ /ɛ.d͡ʒa.ˈlɛ/ /a.d͡ʒa.ˈle/ /ɛ̃.d͡ʒa.ˈle/ /ɛ̃.d͡ʒɛ.ˈle/
  • prononçaedje zero-cnoxheu : /ɛ.d͡ʒa.ˈle/
• Ricepeures : edja·lé

Pårticipe erirece

	singulî	pluriyal
omrin	edjalé	edjalés
femrin	edjalêye	edjalêyes

edjalé omrin

1. pårticipe erirece omrin do viebe del prumire troke: «edjalé».
   • Dji m' a-st edjalé tot l' rawårdant.

Ratournaedjes

p.er. d' on viebe valant «edjaler»

• Francès : gelé ^(fr), refroidi ^(fr)

Addjectif

	singulî	pluriyal
omrin	edjalé	edjalés
femrin padrî	edjalêye	edjalêyes
femrin padvant	edjalêye	edjalêyès

edjalé omrin

1. k’ a divnou (come) del glaece.
   • On pout bén passer l’ aiwe, elle est edjalêye.
   • On-z aveut yeu målåjhey foirci l’ tere edjalêye. — Jean-Pierre Dumont.
   • Des grossès flotchetes di nivaye,
     Abatowes pal vint d' Lovagne,
     Tot londjinant si vnèt rashir,
     Et watler nosse tere edjalêye— Joseph Vrindts, "Vîx Lîge" (1901) p. 3, "Sov’nance d’Hiviér", (fråze rifondowe).
2. k’ a divnou tot deur, d’ esse passé dizo 0° C, tot djåzant d’ amagnî k’ on wåde e l’ edjaloe.
   • Tonire ! T’ es crexhou, m’ fi, mins ti n’ t’ as nén ecråxhî ! K’ ass magnî, ey, e l' Rûsseye.
     Victôr. – Des crompires edjalêyes et des raecinetes d’ åbes, mwaisse. — Joseph Mignolet, « Al Bèle Fontinne », comèdèye di treûs akes, 1924, p.45 (fråze rifondowe).
3. tot froed.
   • Dj’ a les pîs edjalés.
   • Avå l’ viyaedje ki s’ edoime påjhûlmint, kékès loumires s’ aflåwixhèt drî les cwåreas edjalés, et, d’ tinzintins, sol pavêye, li brut d’ ene pwaire di shabots, ki claptèt tot fjhant craker l’ nivaye, vis rapinsèt k’ l’ ome est la. — Henri Simon, "Mès cwate moumints" (1907) (fråze rifondowe).
4. ki creve di froed.
   • D’ aveur ratindou l’ otobusse on cwårt d’ eure, dji so-st edjalé.
5. k' a l' cour froed, ki n' oize mostrer ses sintimints.
   • On pout dire ki c' est èn edjalé galant.

Parintaedje

• redjalé

Mots d’ aplacaedje

• Ledjalé (no d' famile, e francès Lengelé)

Ortografeyes

Divant 1900 :

• èjalé : E203 ^(lére)
• egealé : E177
• ejalé : E89 ^(lére)

Après 1900, foû rfondou (Feller, Feller ricandjî, nén Feller) :

• èdjalé : C9, C55, E1
• adjalé, adjalêye : S117
• indjèlé : O4 (a « indjèler »)
• èdjalè : C13
• adjalé : S0, S117
• adjèlè : O90 (a « adjèler »)

E rfondou walon :

• edjalé : R13
• edjalé, edjalêye : R9 ^(lére), R10 ^(lére)

Ratournaedjes

k’ a divnou (come) del glaece

• Francès : gelé ^(fr)

k’ a divnou tot deur, tot djåzant d’ amagnî k’ on wåde e l’ edjaloe

• Francès : congelé ^(fr)

tot froed

• Francès : frigorifié ^(fr)

ki creve di froed

• Francès : gelé ^(fr), frigorifié ^(fr), transi ^(fr) de froid

Sustantif

	singulî	pluriyal
omrin	edjalé	edjalés
femrin	edjalêye	edjalêyes

edjalé omrin

1. (imådjreçmint) onk k’ a todi froed.
   • C’ est on edjalé.
2. onk ki n’ a nou sintimint (aprume, ki n' a nole assaetchance po les cmeres).
   • C’ est on edjalé ki n’ a ni cour ni åme.

Mots d’ aplacaedje

Ledjalé (fr. Lengelé)

Ratournaedjes

onk k’ a todi froed

• Francès : frileux ^(fr)

onk ki n’ a nou sintimint

• Francès : insensible ^(fr), froid ^(fr), distant ^(fr), frigide ^(fr), impassible ^(fr), indifférent ^(fr)