flate

Walon (Rifondou)

Etimolodjeye

Bodje tîxhon * « flado » (minme sinse); li D etimolodjike ni si scrît nén, ca i n' rispite nén dins l' parintêye.

Prononçaedje

• AFE :
  • diferins prononçaedjes : /flat/ (minme prononçaedje pattavå)
  • prononçaedje zero-cnoxheu : /flat/
• Ricepeures : nén rcepåve

Sustantif

singulî	pluriyal
flate	flates

flate femrin

1. (mot d’ fiziolodjeye) aiwisse sitron ki rexhe des boyeas d' ene vatche.
   • Il a tchai dins ene flate di vatche. — Motî Cambresier (fråze rifondowe et rarindjeye).
   • Il ont stî stårer les flates divins nosse waide. — Motî Forir (fråze rifondowe et rarindjeye).
   • Les flates di vatche ecråxhèt les waides. — Motî Forir (fråze rifondowe).
   • Gn a rén d' si spårgnant k' ene vatche, ele rimagne deus côps çou k' ele magne; ele dene do laecea; avou ses flates, k' on leye rissouwer so les paroes des meurs, on pout astoker l' feu et l' etertini. — Lucyin Mahin, Li batreye des cwate vints.
2. crotin di tchvå.
   • Ele ramasse les flates di tchvå.
3. (måhonteuzmint) feme sins exhowe, mannete.
   • Grosse flate, va ! A l' viye flate !
4. beret u caskete ronde, ki s' leye daler molmint cwand k' on l' mete a plat, copurade li cene des studiants flaminds d' Lovén eyet l' cene des Tchesseus Årdinwès.
5. mannesté di dmeure e l' ouy.
   • Dj' a ene flate e l' ouy. — Motî Haust (fråze rifondowe).

Ratourneures

1.  ramoneuse u schoveuse di flates : meskene di cinse.
2. djeu d' mot Ké diferince inte Xhoutsiplou et Hollywood ? A Hollywood, on flate les stårs, et a Xhoutsiplou, on ståre les flates.
3. djeu d' mot (a on flateu) Ci n' est nén m' gosse, da, del flate!
4. viker dins les flates viker toltins dins ene cinse, sins rexhe, sins vey ôte tchoi.
5.  stårer u disfé les flates : sitinde e bokets les flates pattavå ene waide, po l' ecråxhî, et leyî l' yebe ribouter.
6.  toumer u: esse netyî(eye) come en flate : toumer sins s' î atinde, et dmorer la stindou (owe).
7. pouri (eye) a flate pouri (eye) totoute, et k' ça sint sovint mwais, tot cåzant d' on frut, do bwès, evnd.
8. djeter del flate e l’ djusse
9. sôrti foû del flate

Parintaedje

• flater, flataedje, flateu
• flatî, flatresse, flatreye
• riflater

Mots d’ aplacaedje

• fleur del flate
• moxhe di flate, mousse-e-flate
• souwêye flate

Ortografeyes

Divant 1900 :

• flatt : E203 ^(lére)
• flatte : E89 ^(lére)

Après 1900, foû rfondou (Feller, Feller ricandjî, nén Feller) :

• flate : C8, O4, E1

E rfondou walon :

• flate : R9 ^(lére), R10 ^(lére), R13

Ratournaedjes

distcheyaedje di vatche

• Arabe marokin : kh6ar (khDar) =‎ خضار = خْضار
• Inglès : dung ^(en)
• Francès : bouse ^(fr)

crotin di tchvå

• Francès : crottin ^(fr)

feme sins exhowe, mannete

• Francès : indolente ^(fr), répugnante ^(fr)

crotin di tchvå

• Francès : crotin ^(fr)

beret u caskete ronde, ki s' leye daler molmint cwand k' on l' mete a plat

• Francès : béret ou casquette ronde qui s'affaisse facilement quand on la pose

mannesté ki dmeure dvins l' ouy

• Francès : moucheron ^(fr), crasse ^(fr)

Codjowas

flate

1. indicatif prezintrece, prumire et troejhinme djins do singulî, do viebe « flater ».
2. suddjonctif prezintrece, prumire et troejhinme djins do singulî, do viebe « flater ».
3. kimandeu prezintrece, deujhinme djin do singulî, fôme camaerådrece, do viebe « flater ».

Waitîz eto

Lijhoz l’ årtike flate (discramiaedje) so Wikipedia