froedeur

Walon (Rifondou)

Etimolodjeye

Bodje « froed », avou l’ cawete « -eur ».

Prononçaedje

• AFE :
  • diferins prononçaedjes : /fʀwɛ.ˈdøːʀ/ /fʀøː.ˈdøːʀ/ /fʀyː.ˈdøːʀ/ /fʀɛ.ˈdøːʀ/ /fʀwɛ.ˈdøː/ /fʀɛ.ˈdøː/ (betchfessî oe)
  • prononçaedje zero-cnoxheu : /fʀwɛ.ˈdøːʀ/
• Ricepeures : froe·deur

Sustantif

singulî	pluriyal
froedeur	froedeurs

froedeur femrin

1. (mot d’ meteyo) froed tins, froede airance, estance d' ene plaece k' est froede.
   • Nonna k' dji n' irè nén a l' ouxh; dj' a trop peu del froedeur.
   • Ele vineut tot timpe å matén
     Al Poite-ås-Åwes, mågré l’ froedeur.
     Et s’ î håynéve des longuès eures,
     Po vinde ses nûles ås pôvès djins
     Ki vont, ç’ djoû la, don håre don hote
     Tchanter totes sôres di sohaits. — Joseph Vrindts, Vîx Lîge, p.75, “Li Vîle Martchande di Nûles” (fråze rifondowe).
   • Dji n' va nén el gregne e cisse froedeur la — Roger Viroux (fråze rifondowe).
   • Il a todi travayî al cårire a tos les tins, el froedeur; asteure il a s' croke — Roger Viroux (fråze rifondowe).
   • Les Aloyîs ont co passé l' ivier dins l' froedeur et les plôkes — Lucyin Mahin, Vera.
   • L' ivier n' est nén co djus; brouweurs, crouweurs, froedeurs; li cir n' a nole coleur — Paul-Henri Thomsin (fråze rifondowe).
2. (fizike) difåt (ou cwålité) d' ene sakî, d' ene sacwè k' est froede.

Ratourneures

• ene froedeur di tchén

Contråve

tcholeur

Ortografeyes

Divant 1900 :

• frudeûr : E203 ^(lére)

Après 1900, foû rfondou (Feller, Feller ricandjî, nén Feller) :

• freudeû : O0
• frudeûre : E34, E170
• frwèdeû : C55
• frudeur : E1 ^(lére)
• frèdeû : C106, O0
• fwèdeû : O0
• frèdeu : C8

E rfondou walon :

• froedeur : R10 ^(lére)

Li mot n’ est nén dins : E212, R13, S0

Ratournaedjes

froed tins, froede airance

• Arabe marokin : برد ^(ary) = برْد =‎ berd, برودة ^(ary) = بْرودة =‎ broda
• Inglès : cold ^(en)
• Francès : froid ^(fr), froidure ^(fr)

difåt ene sakî, d' ene sacwè k' est froede

• Francès : froideur ^(fr)