glwere

Walon (Rifondou)

Etimolodjeye

Calcaedje do francès « gloire » (minme sinse).

Prononçaedje

• AFE :
  • diferins prononçaedjes : /ɡlwɛːʀ/ /ɡlweʀ/ /ɡlwaːʀ/ /ɡlwaʀ/
  • prononçaedje zero-cnoxheu : /ɡlwɛːʀ/
• Ricepeures : nén rcepåve

Sustantif

singulî	pluriyal
glwere	glweres

glwere femrin

1. sintimint d’ grandeur d’ on tchîf di guere k’ a wangnî bråmint des batreyes.
   • Ca les cindes do grand ome si stårît so nosse tere Houte del glwere des signeurs, des princes et des barons. — Louis Lagauche (fråze rifondowe).
   • Et nosse cour crexhe cwand c’ est k’ on tuze al glwere Di nos vîs peres ki n’ avît måy pawou. — Théophile Bovy, Li Tchant dès Walons (fråze rifondowe).
   • Mins cwand nost Impreur rivna et ki s’ glwere, come on moxhet, plonca dsu tote li France, å prumî djoû, Linåd s’ egadja. — Marcel Hicter (fråze rifondowe).
   • Racontez a m’ pa l’ glwere ki dj’ a-st e l’ Edjipe, sins rén rovyî, et tot çou k’ vos avoz veyou. — Lorint Hendschel, Li Djneze (ratournaedje) (fråze rifondowe).
   • L’ Andje do Signeur vina djondant d’ zels, et l’ glwere do Signeur les rafûla di s’ loumire. — Jean-Marie Lecomte, Evandjîle sint Luk (ratournaedje) (fråze rifondowe).
   • Evoye dissu l’ tchimin del glwere. — José Schoovaerts (fråze rifondowe).
2. rilomêye djin.
   • C’ est ene des glweres di nosse fotbal.

Parintaedje

• glorieus, gloriole
• gloriete

(minme sourdant etimolodjike)

• gloriyå

Mots d’ aplacaedje

1. al glwere di

Mots vijhéns

• oneur

Ortografeyes

Divant 1900 :

• gloir : E177 (a « crevé »)
• glwère : E177

Après 1900, foû rfondou (Feller, Feller ricandjî, nén Feller) :

• glwêre : O4

E rfondou walon :

• glwere : R10 ; R13 ^(lére)

Ratournaedjes

sintimint d’ grandeur

• Francès : gloire ^(fr), notoriété ^(fr), renom ^(fr)

rilomêye djin

• Francès : gloire ^(fr), célébrité ^(fr)

Mot-fråze

glwere (nén candjåve)

1. (eployî avou l' divancete « a ») criya po glorifyî ene sakî.
   • Et glwere a tos ces la k' ont fwait vey k' estént d' taye
     Cwand il ovrént come des foyons ! — Louis Lagauche, "L' inmant", Ås walons, (1947), p. 120 (fråze rifondowe).

Ratournaedjes

glwere

• Francès : gloire ^(fr) à
• Rûsse : слава ^(ru) =‎ slava à