haminte

Walon (Rifondou)

Etimolodjeye 1

Di l' ancyin francès «hamede», prindou di l' ancyin flamind «hameyde», rataetchî a l' almand «hemmen».

Prononçaedje

• AFE :
  • diferins prononçaedjes : /ha.ˈmɛ̃ːt/ /a.ˈmɛ̃ːt/ /ha.ˈmɛːt/ /ˈha.mɛːt/  ^{aschoûtez lu} (H prumrece)
  • prononçaedje zero-cnoxheu : /ha.ˈmɛ̃ːt/  ^{aschoûtez lu}
• Ricepeures : ha·minte

Sustantif

singulî	pluriyal
haminte	hamintes

haminte femrin

1. (usteye) båre di fier, pondante d' on costé (pike, betch), asplateye di l' ôte (talon), ki sieve po fé l' trô po planter ås pikets; po fé djîsse po dispaver, sorlever des pires, des grossès pîces di fier, evnd.
   • Sorlever ene pire di taeye avou ene haminte. — Motî Forir (fråze rifondowe et rarindjeye).
   • Djîstrer avou ene haminte åtoû d' ene pire pol fé toumer. — Motî Haust (fråze rifondowe).
   • O ! Bleu soû d' pire tot a groubiotes,
     Cwants côps d' talons n' avoz vs nén rçû?
     Kibin d' feyes a dj' uzé mes cotes
     Sor vos, ki l' haminte a distrût ! — Louis Lagauche, Lès bèlès-eûres, 1928, p. 55 (fråze rifondowe).
2. (usteye) grosse båre di fier, po tolminme kén uzaedje.
   • Pol ceclaedje des rowes di bwès, li moyoû esteut so ene pire, et, po l' fé tourner, on-z av' efoncé ene grosse haminte å mitan (R. Dedoyard)
3. (mot d' batelreye) båre do vierna des bateas.
4. (mot d’ militaire) (Istwere) grosse djantiye po fé bodjî les pîces d' on canon.
5. (usteye) båre di bwès ki rtoume en on fera, po serer comifåt èn ouxh.
6. (usteye) hårkea (po poirter les saeyeas).

Ratourneures

1. abetchî l' haminte : li fé prinde.
2. aveur deus bresses come deus hamintes

Sinonimeye

• crampe
• på d' fier
• ringuele

Mots vijhéns

• (båre do vierna des bateas) : halmustok

Ortografeyes

Divant 1900 :

• aminte : C9a ^(lére)
• hamaide : E89 ^(lére)
• hamintt : E203 ^(lére)
• hamaitt : E203 ^(lére)

Après 1900, foû rfondou (Feller, Feller ricandjî, nén Feller) :

• aminte : C9, C13
• haminde : E1 ^(lére)
• aminde : C1, O0
• hamêde : E1 ^(lére), E145

E rfondou walon :

• haminte : R9 ^(lére), R10 ^(lére), R11 ^(lére)

Li mot n’ est nén dins : C8, R13

Ratournaedjes

båre di fier

• Inglès : digging bar ^(en)
• Francès : pince ^(fr), levier ^(fr) (en fer), barre à mine ^(fr)

Etimolodjeye 2

Vî lussimbordjwès «haimithi» (hamtea, viyaedje reclô avou des plantches).

Prononçaedje

• AFE :
  • diferins prononçaedjes : Prononçaedje a radjouter
  • prononçaedje zero-cnoxheu : Prononçaedje a radjouter
• Ricepeures : ha·minte

Sustantif

singulî	pluriyal
haminte	hamintes

haminte femrin

1. plantche astampêye dins ene rivire po distourner l' aiwe.
   • Li mônî aveut metou des hamintes al tiesse del vene, po-z awè dipus d' aiwe dins l' bî do molén.
2. plantche astampêye po reclôre on viyaedje.
3. båkea (triyingue di bwès å cô des biesses e waide).

Mots vijhéns

• hamtea

Ortografeyes

Li mot n’ est nén dins : C8, R13

I gn a cåzu rén dins ci hagnon ci, mins si vos irîz rnaxhî dins des ôtes motîs, et trover l’ mot « haminte », riherez ciddé li scrijha do mot ki vos î avoz trové, et l’ rahouca do motî el Djivêye des motîs do walon.

Ratournaedjes

båkea

• Francès : tribart ^(fr)