huzer

Walon (Rifondou)

Etimolodjeye

Mot-brut « huze » (on foirt xhuflaedje), avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /hyː.ˈze/
  • (pa rfrancijhaedje) /y.ˈze/
  • prononçaedje zero-cnoxheu : /hyː.ˈze/
• Ricepeures : hu·zer

Viebe

huzer (1^ire troke) (codjowaedje) (v. sins coplemint)

1. (brut) xhufler roed (tot djåzant do vint).
   • Gn a l' vint ki huze dabime. — Motî Forir (fråze rifondowe).
   • Li vint huze caraedje. — Motî Haust (fråze rifondowe).
   • Et l’ vint huzéve e bwès come on tchén hoûle a moirt. — Louis Lagauche, « Li p’tit hièrdî », Tchant III, Saint Roch (fråze rifondowe).
   • Li bijhe huze …, li plouve tome …, vocial li måle såjhon. — Joseph Mignolet, "Fleûrs d’osté" (1931), "Adiu, djonnèsse!" (fråze rifondowe).
   • Li bijhe huze … et l' djalêye,
     Tot florixhant les ris,
     Fwait k' on rcwirt li coulêye
     Come on vraiy paradis. — Jean Dessard, D'ine cohe so l'aute, 1939, p.45, Qwand l’ tère soketêye (1933) (fråze rifondowe).
2. (brut) brutyî tot djåzant d' ene aiwe ki schipe so pression.
   • L' aiwe ki tome al valêye d' ene vene et ki rôle evoye tot huzant. — Voyaedje a Tchôfontinne, vers 414. (fråze rifondowe).
   • On l’ ôt [l’ aiwe] huzer d’ å lon tot toumant djus des venes. — Henri Simon, "Wice va l’êwe" (1907) (fråze rifondowe).
3. (brut) xhufler ezès orayes.
   • Mes orayes huzèt. — Motî Forir (fråze rifondowe).

Parintaedje

• ahuzer
• ahuzler
• huzaedje
• huzaesse
• huze
• huzé
• huzea
• hûziner
• hûzlåjhe
• hûzler

Sinonimeye

xhufler dvins les oreyes

• zûner

Ortografeyes

Divant 1900 :

• hûzé : E203 ^(lére)

Après 1900, foû rfondou (Feller, Feller ricandjî, nén Feller) :

• hûzer : E1

Li mot n’ est nén dins : E89

Ratournaedjes

xhufler roed (tot djåzant do vint)

• Francès : pousser un sifflement strident en parlant du vent (nén ratournåve direk e francès)

brutyî tot djåzant d' ene aiwe ki schipe so pression

• Francès : émettre le bruit d'une eau qui s'échappe sous pression (nén ratournåve direk e francès)

xhufler ezès orayes

• Francès : siffler ^(fr) dans les oreilles