irupeye

Walon (Rifondou)

Etimolodjeye

Calcaedje do picård « irupie » (minme sinse) (ki respond a on tayon-bodje latén « eruptio », avou l’ cawete « -eye »), kécfeye parint avou l' picård « roupie » (nåze, nez ki court); (etimolodjeye nén acertinêye).

Prononçaedje

• AFE :
  • diferins prononçaedjes : /i.ʀy.ˈpɛj/ /i.ʀy.ˈpiː/ /y.ʀi.ˈpiːj/ /œ.ʀi.ˈpiːj/ /y.ʀy.ˈpɛj/ /y.ʀy.ˈpiːj/
  • prononçaedje zero-cnoxheu : /i.ʀy.ˈpɛj/
• Ricepeures : iru·peye

Sustantif

singulî	pluriyal
irupeye	irupeyes

irupeye femrin

1. (mot d’ medcén) maladeye ki s' prind, copurade ås efants, mins k' on s' è rfwait co rade.
   • Les rodjeurs, les poketes volantes, el crosse di laecea, tot ça, c' est des irupeyes — Motî del Lovire (fråze rifondowe).
   • Ci n' est k' ene irupeye, dimwin i serè rfwait — Motî d’ Cerfontinne (fråze rifondowe).
2. (pa stindaedje do sinse) tote prindåve maladeye, motoit griyeuse.
   • «Kéne irupeye! kéne plôke! kéne rascråwe, Maria Deyî!» — Gabriyel & Gabriyel.
   • Mins d’ on côp, ene laide irupeye s’ a ståré
     Patocosté avå l’ monde, dins tos les payis — José Schoovaerts, Li Rantoele l° 95, waeyén-tins 2020, p. 15 (fråze rifondowe et rarindjeye).
3. biestreye k' on fwait tins di s' djonnesse.
   • Elle est sossote, pask' ele n' a nén co passé totes ses irupeyes — Motî del Lovire (fråze rifondowe).

Sinonimeye

• (maladeye ki s' prind) : Loukîz a : minêye
• (biestreye k' on fwait tins di s' djonnesse) : furdinne, brijhe

Sipårdaedje do mot

w. do Coûtchant, Aschates walon picård

Ortografeyes

Après 1900, foû rfondou (Feller, Feller ricandjî, nén Feller) :

• urupéye : O0, G215 p. 21
• urupîye : O2
• euripîye : O3
• irupî : G215 p. 21
• uripîye : O3

E rfondou walon :

• irupeye : R10 ^(lére)

Ôtès ortografeyes (avou des sourdants nén rkinoxhous) :

• uripîye : A.M. Fossoul-Risselin, Vocabulaire de la vie familiale à Saint-Vaast S42

Li mot n’ est nén dins : O5, O80, O100, R13

Ratournaedjes

maladeye d' efant ki s' prind Loukîz a : minêye

• Francès : maladie infantile ^(fr)
• Picård : irupie ^(pcd)

biestreye

• Francès : folie de jeunesse ^(fr) (nén ratournåve direk e francès)