metingue

Walon (Rifondou)

On metingue pol walon a Lidje (7 di nôvimbe 1997)

Etimolodjeye

Eprontaedje do francès « meeting », lu-minme eprontaedje di l’ inglès « meeting » (« rapoûlaedje ») "(électoral, ouvrier)", prononcî come on l’ lijheut dins l’ gazete al môde francesse, çou ki dene on mot avou l’ cawete « -ingue » Dataedje do mot : 1887.

Prononçaedje

AFE :
- diferins prononçaedjes : /mɛ.ˈtɛ̃k/ /mɛ.ˈtiŋ/
- prononçaedje zero-cnoxheu : /mɛ.ˈtɛ̃k/
Ricepeures : me·tingue

Sustantif

singulî	pluriyal
metingue	metingues

metingue omrin

raploû pa onk (ene) ki s’ mete ås eleccions, po-z aveur des vwès.
- Abeye, fjhans-st on metingue, tot d' shûte amon Henrotte ;
  Sipiyans, cassans tot, po sôrti foû del crote. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.37 (fråze rifondowe).
- (Elle a stî a) on metingue do Rex. — Motî d’ Bastogne (fråze rifondowe).
- Il ont prometou partot, dins tos leus grands metingues, K’ après les eleccions, s’ i n’ avént nén del cingue, K’ i contintrént les vîs, e rmontant leu pinsion. — Philippe Sclaubas.
(pa stindaedje do sinse) long pretchaedje.
- Dj’ a veyou k’ Fidel Castro fjheut des pus longs metingues ki ça.
rapoûlaedje di djins ki rclamèt leus abondroets.
- Les Walons ni sont nén po fé des metingues tot håynant des ptits drapeas avou l’ cok, et tot tchantant "Nos estans firs di nosse pitite patreye". — Lucyin Mahin.
- Vo m’ la ki dj’ toume so des afitches po on metingue di scolîs siconte d’ ene novele lwè. — Lucyin Mahin.

Ratournaedjes

on fjheu (ene fijheuse) di metingues : onk (ene) ki s’ mete so les lisses et fwait des raploûs dvant ls eleccions. On dit eto : metingueu, metinguisse.