raploû

Walon (Rifondou)

Etimolodjeye

Sustantivaedje do pårticipe erirece do viebe « si raploure ».

Prononçaedje

• AFE :
  • diferins prononçaedjes : /ʀa.pluː/ /ʀa.ply/
  • prononçaedje zero-cnoxheu : /ʀa.pluː/
• Ricepeures : rap·loû

Sustantif

singulî	pluriyal
raploû	raploûs

raploû omrin

1. plaece ki des djins s’ rashonnèt.
   • Gn aveut on cåbaret a Wadjneye, ki c’ esteut : « Å raploû des amuzetes ».
2. rashonnaedje di djins.
   • Dji sondjive k’ i dveut aveur ene sôre di raploû, la-hôt, avou m’ mononke et l’ Ziré. — Jean-François Brackman.
3. rashonnaedje po studyî, po dvizer di grands u di sincieus sudjets, u fé des grands decidaedjes politikes.
   • Li raploû d’ Yalta, la k’ Churchill, Roosevelt et Staline si pårtixhît l’ monde.
4. les djins rashonnés, assimblêye.
   • Li raploû a decidé di vôter li Tchåte do Rantoelî.

Ratourneures

1. souner l’ raploû : coirner po rashonner les sôdårds et lzî dire di cori evoye.
   • Pu vina l’ tins des aminwers
     Dins l’ cir on n’ veyeut k’ des foumires
     Tot ndaléve pol mî disk’ å djoû
     K’ on-z a bén dvou souner l’ raploû. — Émile Dumont.

Parintaedje

• raploujhaedje
• raploujhisse

Mots d’ aplacaedje

• grand raploû
• mwaisse raploû
• raploût-tot (Asteme : vént do viebe « raploure »)

Mots vijhéns

• raclo, radjoû
• rapoûlaedje, rabindlaedje, ratroplaedje, metingue

Sipårdaedje do mot

w. do Mitan, w. do Coûtchant ; å 21inme sieke, li mot s’ a spårdou long et lådje.

Ortografeyes

Après 1900, foû rfondou (Feller, Feller ricandjî, nén Feller) :

• raploû : C1, C9, C13, C99, C100, C106, O0, S117

Li mot n’ est nén dins : C5, C57, S0, S109

Ratournaedjes

plaece ki des djins s’ rashonnèt

• Francès : (lieu de) rendez-vous ^(fr), lieu de rassemblement

ashonnaedje di djins

• Francès : rassemblement ^(fr), réunion ^(fr), assemblée ^(fr), meeting ^(fr)
• Kimon amazir marokin : ⴰⴳⴷⵓⴷ ^(zgh) =‎ agdod

rashonnaedje po studyî

• Francès : réunion ^(fr), symposium ^(fr), forum ^(fr), colloque ^(fr), sommet ^(fr)

les djins rashonnés

• Francès : assemblée ^(fr), congrès ^(fr)

souner l’ raploû

• Francès : sonner la retraite