plitchoter

Walon (Rifondou)

Etimolodjeye

Mot-brut « plitch » (plik plok) avou l’ dobe cawete « -oter » des viebes, çou ki dene on mot avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /pli.t͡ʃɔ.ˈte/ /pli.t͡ʃɔ.ˈtɛ/
  • prononçaedje zero-cnoxheu : /pli.t͡ʃɔ.ˈte/  ^{aschoûtez lu}
• Ricepeures : pli·tcho·ter

Viebe

Djin et tins	Codjowa
Cåzant Ind. pr. (dji, dj’)	plitchote
Atôtchî(s) Ind. pr. (vos, vs)	plitchotez
Cåzants Ind. pr. (nos, ns)	plitchotans
Rwaitants Ind. pr., nam. (i/il, ele/elle)	plitchotnut
Cåzant Ind. fut. (dji, dj’)	plitchotrè
Cåzant D.I.E. (dji, dj’)	plitchotéve
Cåzant Suddj. pr. (ki dji, dj’)	plitchote
pårt. erirece (dj’ a, vos av)	plitchoté
Ôtes codjowaedjes	come bouter

plitchoter (v. sins coplemint)

1. magnî sins apetit, tot prindant des betcheyes plik-plok.
   • Ces biesses la malårdént; ele ni magnént pus bén, djusse plitchoter.
   • Ci ptit valet la n' crexhrè nén; il est todi a plitchoter dins s'-n assîte, et-z è leyî l' mitan.
2. magnî par ci par la (po les gades, les bixhes…).
   • T' aveus co tos les prés djondant les bwès ou çki les bixhes plént vni plitchoter dins li ptit fén vert waeyén — Lucyin Mahin, Ène bauke su lès bwès d’ l’ Ârdene, p. 107 (fråze rifondowe).

• 
  gade malåde del tiesse ki vout co plitchoter

Parintaedje

• plitchoteu, plitchoteuse
• plitchotaedje

Ortografeyes

Après 1900, foû rfondou (Feller, Feller ricandjî, nén Feller) :

• plitchoter : S17 p. 109, S25, S109, S117
• plitchter : S117

Li mot n’ est nén dins : S0, S36, R13

Ratournaedjes

magnî sins apetit

• Arabe marokin : نڭمر ^(ary) = نڭْمر =‎ negmer
• Inglès : to nibble ^(en)
• Francès : mangeotter ^(fr), pignocher ^(fr), grignoter ^(fr)

magnî par ci par la

• Inglès : to browse ^(en)