rivlinne

Walon (Rifondou)

Etimolodjeye 1

Bodje « rivl- », bodje A do viebe « rivler » avou l’ dobe cawete « -linne » çou ki dene on mot avou l’ dobe cawete « -linne »; li sinse di houyreye, pa stindaedje di sinse inte li binde di schavaedje et l' usteye k' a schavé.

Prononçaedje

• AFE :
  • diferins prononçaedjes : /ʀiv.ˈlɛ̃n/ /ʀiːv.ˈlɛ̃n/ /ʀœv.ˈlɛ̃n/ /ʀiv.ˈlɛn/ Prononçaedje a radjouter
  • prononçaedje zero-cnoxheu : /ʀiv.ˈlɛ̃n/
• Ricepeures : riv·linne

Sustantif

singulî	pluriyal
rivlinne	rivlinnes

rivlinne f.

1. (mot d' costire) pîce di stofe cozowe sol boird d' on mousmint.
2. (mot des cinsîs) longue sitroete binde di tere, sol boird do tchamp
   • Les teres k' on pårtadjive, c' esteut po del fôrêye: on meteut des clåves, ey ene rivlinne di mayisse — Live Gaziaux so les dinrêyes, p. 63 (fråze rifondowe).
3. binde di yebe nén soyeye, pus stroete k' ene bate di fåtchaedje, ki dmeure å mitan do tchamp cwand on-z a tot fwait d' passer des deus costés.
   • Nozôtes, on n' rifåtchéve nén les rivlinnes.
4. (mot d’ houyeu) usteye des houyeus, pike ås deus platès pontes, po schaver ene fene coûtche di hoye u d' tinre edjåxhe.
   • Dihotez les hoyes a grands côps d’ rivlinnes;
     Råyîz des cayôs, tcherdjîz des berlinnes.
     I fåt do tcherbon ! — Gabrielle Bernard (fråze rifondowe).

Ortografeyes

Après 1900, foû rfondou (Feller, Feller ricandjî, nén Feller) :

• riv'linne : O4
• riv'line : O104
• rivelinne : E1
• re̊v'lin.ne : C101 p. 63

E rfondou walon :

• rivlinne : FR13 a «rangée», R10 ^(lére), R10 (usteye) ^(lére)

Li mot n’ est nén dins : R13

Ratournaedjes

binde di tere

• Francès : bande ^(fr) (de terrain) (nén ratournåve direk e francès)

usteye di houyeu

• Francès : rivelaine ^(fr), pic ^(fr)