rilever
(Redjiblé di rlever)
Etimolodjeye
[candjî]Do viebe « lever » avou l’ betchete « ri- » des viebes
Viebe
[candjî]rilever u erlever / rlever (2inme troke) (codjowaedje)
I. (viebe å coplemint)
- rastamper (ene sakî, ene sacwè k' a toumé), fé monter pus hôt (ene sacwè, on salåre, evnd.).
- C' est ene flaxhe d' ome, saiss; dji n' el såreu rilever s' i vénreut a toumer.
- Rade, ele rileve ene djambe, coraedje, dit-st ele, abeye,
Hay, hay, dji so cåzu, eco ene tchoke, vos m’ î la.
Ele meta ene djambe drî s’ tiesse et pwis… et pwis n’ pola
L’ (sic) ressaetchî.— Joseph Kinable, Les crostillons, 1889, On bai tour, p.29, mwaisse modele lijhåve cial (fråze rifondowe). - Dji veya sol trotwer, ene madame e tchapea,
Ki sayive do rlever, come èn ome l’ åreut fwait,
On vî comissionaire ki n’ saveut pus mot dire. — Joseph Vrindts, Vîx Lîge, 1901, p.65, “Dihâv’lêye” (fråze rifondowe). - Li Djhan a rlevé l' tiesse so l' ôrlodje ki zûntêye totes ses convoyes di rvén di rva — Lucien Somme (fråze rifondowe).
- Del nute, il a toumé on walea, on ptit, djusse çou k' i faleut po k' les yebes rilevénxhe li tiesse — Maggy Frisée (fråze rifondowe).
- Ses ptitès mwins d' efant rilevént s' blanc dvantrin, ubén ele les croejhléve so s' vinte, e tournant ses pôcets — Albert Yande (fråze rifondowe).
- (pus stroetmint) trossî ene mousseure.
- A R’moutchamp, i n’s’astårdja nin à louquî les loum’rotes des djîses si distinde l’eune après l’ôte; i n’tusa nin minme dè r’lèver ses moussètes ås bocås des håyes, ni dè rassètchî l’cotrê qui tapév ås êrs dè djoû, è corant d’l’ Ambléve— Joseph Mignolet, Li payis des soteas (1926), p.41.
- F. "relever, rehausser, majorer".
- rilever ene sakî come moite :
- a) el rastamper tot creyant k' elle est moite.
- b) el tini po moite. F. "considérer comme mort".
- on n' rileve nén les moirts : (imådjreçmint) dijhêye (ås cwårdjeus) po mostrer k' on n' pout nén aler rvey les cwåtes k' ont toumé.
- (imådjreçmint) djonde, emantchî (ene sakî).
- Li Djhan, Manu l' aveut rlevé on bea vî côp; c' est lu ki l' aveut yeu, l' Mareye — Auguste Laloux (fråze rifondowe).
- Dj' a vlou frecanter mins dj' a stî rade erlevé — Maurice Colombin (fråze rifondowe).
- F. "berner, abuser, mystifier".
- esse rilevé pal cingue u : esse rilevé pa les potches; : riçure ene bele luçon.
- A çki dj' voe, li coirbå a co stî rlevé pa les potches på rnåd — Christine Tombeur (fråze rifondowe).
- F. "recevoir une leçon".
- rimarker.
- I fåt rilever k' el condicion est impossibe dins l' prumî cas, et possibe dins l' deujhinme.
- Jules Vandereuse a eto rilevé les prumîs tecses des scrijheus e walon del province di Lussimbork.
- Loukîz a : prinde efet a.
- F. "relever, noter, remarquer, répertorier".
- aler vey a (ene sacwè la k' on ratind k' il î arive åk) et prinde çou k' gn a la.
- Rilever ses bricoles, on cep, si emilreye; rilever ene beyôle k' on-z î rascode del seuve.
- Di tinzayeure; i reyussixhént a rlever des spinokes et des ptits govions gros come des cigaretes — Félicien Barry (fråze rifondowe).
- Loukîz a : rilevrece.
- F. "contrôler, surveiller, inspecter et recueillir".
II. [v.n.d.c.] rilever di :
- esse kimandé pa; esse dizo (ene ôte administråcion).
- Li signeurreye di Viyance rilevéve del signeurreye di Mirwå.
- F. "relever de, être sous la dépendance de".
III. si rlever (viebe å prono)
- si lever, dabôrd k' on-z esteut coûtchî, u adjnoyî.
- Kî vént d’ tchet grete, et l’ djonne kimere
Ni sondjive gote a s’ rilever. — Joseph Vrindts, « Pâhûles rîmês » (1897), « On sai bin pô çou qu’on ramasse », p.83 (fråze rifondowe). - Dji m’ rileva tot-z apougnant m’ pôve tiesse,
Ki n’ esteut k’ sîrs plåyes et bourseas. — Louis Lagauche, « So m’ tére » (1913-1920), p.87 (fråze rifondowe). - Po s' mete a djnos, ca n' a fwait k' on tins; mins po s' rilever: nén moyén : nos tchanteus avént si bén tûtlé k' i tcheyént tertos onk so l' ôte — Joseph Osselet (fråze rifondowe).
- D' ene trake, i s' a rlevé foû di s' tcheyire, s' escourci, et-z evoyî tolmonde å diåle — Lucien Somme (fråze rifondowe).
- Kî vént d’ tchet grete, et l’ djonne kimere
- on s' rilevreut del nute po ndè magnî : dijhêye cwand on magne voltî ene sacwè; u cwand on nd a bråmint.
- Des canadas, end a-st a hotche ciste anêye ci; i s' fårè rlever del nute po ndè magnî.
Ratourneures
[candjî]Parintaedje
[candjî]Ortografeyes
[candjî]Après 1900, foû rfondou (Feller, Feller ricandjî, nén Feller) :
