emantchî

Walon (Rifondou)

Etimolodjeye

Bodje « mantche » avou l’ betchete « e- » d’ ecloyaedje des viebes avou l’ cawete di codjowaedje « -î » des viebes.

Prononçaedje

AFE :
- diferins prononçaedjes : /ɛ.mɑ̃ː.ˈt͡ʃiː/ /ɛ.mɑ̃ː.ˈt͡ʃi/ /ɛ.mɔ̃.ˈt͡ʃi/ /a.mɑ̃ː.ˈt͡ʃiː/ /a.mɑ̃ː.ˈt͡ʃi/ /a.mɑ̃ː.ˈt͡ʃɛ/ /a.mɑ̃ː.ˈt͡ʃe/ /a.mwɛ̃.ˈt͡ʃiː/ /ɛ̃.mɑ̃ː.ˈt͡ʃiː/
- prononçaedje zero-cnoxheu : /ɛ.mɑ̃ː.ˈt͡ʃiː/
Ricepeures : e·man·tchî

Viebe

Djin et tins	Codjowa
Cåzant Ind. pr. (dji, dj’)	emantche
Atôtchî(s) Ind. pr. (vos, vs)	emantchîz
Cåzants Ind. pr. (nos, ns)	emantchans
Rwaitants Ind. pr., nam. (i/il, ele/elle)	emantchnut
Cåzant Ind. fut. (dji, dj’)	emantchrè
Cåzant D.I.E. (dji, dj’)	emantchive
Cåzant Suddj. pr. (ki dji, dj’)	emantche
pårt. erirece (dj’ a, vos av)	emantchî
Ôtes codjowaedjes	come waitî

emantchî

(viebe å coplemint) mete (on mantche) a èn usteye.
- Waite k' i n' a nén co emantchî l' fotche !
- Emantchî ene hepe, on fiermint, ene påle. — Motî Forir (fråze rifondowe).
(viebe å coplemint) ataetchî (ene sacwè) e s' plaece.
- A droete, ene îpe po-z emantchî so on tracteur.
(viebe å coplemint) mete so pî.
- Si afwaire a stou må emantcheye. — Motî Forir (fråze rifondowe).
- Leu tchanson fineye, les cawiasses si metnut el tiesse d' emantchî ene coûsse ås toreas — Les crwès dins les bruwères (fråze rifondowe).
- Pire emantche ene grande gasse å risse di s’ ecroukî. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Pasquèye », 1922, p.107 (fråze rifondowe).
- Tot çou qui l’payis d’Lîdje, li Brabant, li Luxembourg, comptît d’nôbes et d’omes adrètes å bê mèstî des armes, s’y avît d’né radjoû po s’mès’ré* l’onk avou l’aûte è tournwè, qui l’prince-évèque èmantchîv djondant Saint-Jåcques. — Joseph Mignolet, Li payîs dès sotês, 1926, p. 31-32.
- Et on s' mete a tuzer a cmint k' on va-st emantchî l' bataye … — Paul-Henri Thomsin, ratournant Astérix amon lès Bèljes, 2022, p. 39 (fråze rifondowe).
(viebe å coplemint) fabriker.
- Aha! Dj' î so! ... Di m' va ... emantchî ene fåsse kerele. — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
- Les Polonès avént emantchî des rominnes po sawè çou ki rivneut a tchaeconk, a l' après d' ene faflote — Louis Sohy (fråze rifondowe).
- Emantchî ene fårce avou des chalotes, finmint ctayeyes, des breles et del dragone (J. Delahaut).
(viebe å coplemint) edvinter.
- — I n’a trinte-sîh sôres di canifechtône, lisqué tchûsîrè-t-on, pinse-tu?
  — Tchûsî! bodje-tu, va, on èmantch’rè so pâ so fotche on volapuk flamind èt l’ toûr sèrè djouwé. Les maîsses tîhons n’ sont nin so ’ne djèye dai, fré. — JVtt, Ine sicole flaminde po nos Députés walons, p.49.
(viebe å coplemint) scrire, arimer, compozer.
- Sins rime ni rame, sins cou ni tiesse,
  I vs les emantche pî foû, pî dvins ;
  Et télmint ki s’ cour e-st al fiesse,
  Il endè reye lu-minme si sovint ! — Martin Lejeune, “ Œuvres lyriques du poète Martin Lejeune” p.136, « L’ andje dèl têre » (fråze rifondowe).
(viebe å coplemint) (secsuwelté) (rabaxhanmint) fé l' amour a (ene comere).
- C' est ene ki dj' aveut emantchî cwand dj' esteu djonnea.
- Dj' end a veyou beacôp
  Ki djhént co tot parey ;
  Et cwand i l' volént emantchî,
  Ki sol côp leus cawes estént
  Ployeyes. — François Barillié, Li camarad′ dè l'joie, 1852, Li noû ramon sins quowe, p.37 (fråze rifondowe).
(viebe å coplemint) atraper, rôler.
- Li vindeu m' aveut bén emantchî.
(viebe å prono) si fé catchetmint.
- Gontrand de Walthéry ! Èn ome da l' imperatrisse… Çoula vout dire k' i gn a ene sacwè ki s' emantche … — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 15 (fråze rifondowe).

Parintaedje

Sinonimeye

(fé l' amour, tot cåzant platmint) : cougnî, mete li mantche
(atraper, rôler) : brocter, groujhî; Loukîz a : « groujhî »

Contråve

dismantchî

Rilomêye do mot

Li mot dins on tite di live, di gazete, di soce, di marke

"Deus galants emantchîs" : comedeye di troes akes da François Loriaux

Ortografeyes

Divant 1900 :

emanchî : E89 ^(lére)
èmanchî : E203 ^(lére)

Après 1900, foû rfondou (Feller, Feller ricandjî, nén Feller) :

E rfondou walon :

emantchî : R10 ^(lére), R13

Ratournaedjes

ataetchî ene sacwè e s' plaece.

Francès : attacher ^(fr)

Loukîz l’ motyince : groujhî

Francès : duper ^(fr), arnaquer ^(fr)

mete so pî

Francès : organiser ^(fr), créer ^(fr)

edvinter

Francès : créer ^(fr), inventer ^(fr)

fé l' amour, tot cåzant platmint

Loukîz a : cougnî

Francès : enculer ^(fr), sauter ^(fr), engrosser ^(fr),

si fé catchetmint

Francès : se tramer ^(fr), se préparer ^(fr)

Pårticipe erirece

	singulî	pluriyal
omrin	emantchî	emantchîs
femrin	emantcheye	emantcheyes

emantchî omrin

Pårticipe erirece omrin do viebe « emantchî ».

Addjectif

	singulî	pluriyal
omrin	emantchî	emantchîs
femrin padrî	emantcheye	emantcheyes
femrin padvant	emantcheye	emantcheyès

emantchî omrin

metou so pî.
- Socièté walone Les Rèlîs Namurwès, Èmantchîye li 25 di fèvri 1909. — Lucien Maréchal, Comptes-rendus des Séances du 25-11-1909 au 19-IX-1910, Les Cahiers Wallons, 1969, lº 1, p. 13.
djondou, atrapé.
- «Deus galants emantchîs», c' esteut l' tite d' ene comedeye da Françwès Loriaux.
astoké.
- Adon l' moteur foircixh; i petårdêye, hansixh, boerlêye; li batchea monte et s' implixh d' årzeye, la k' s' efoncèt les lujhantès brokes d' acî emantcheyes sol boird — Marcel Fabry, Li hatche di bronze, (1937), p. 48 (fråze rifondowe).
compôzé.
- Dj' ataka, plin d' prèstance,
  O nosse vigreûs patwès,
  Des bokets d' circonstance
  Èmantchis a l'èsprès! — Camille Gaspard.