schågne

Walon (Rifondou)

• 
  Schågnes di feve.

Ordinairmint	Dirî cossoune s’ on prononce /sk/
schågne	eschågne

Etimolodjeye

Tayon-bodje latén * « excarnea », do latén « carnem » (« tchå »), racuzinåve avou l’ vî francès « escargne » et « escarne » (« çou ki resse cwand on-z a rsaetchî l’ tchå », ey adon nén bon a magnî).

Prononçaedje

• AFE :
  • diferins prononçaedjes : /hɔːɲ/ /ʃoːɲ/ /skoːɲ/ /skʀoːj/ (betchfessî sch)
  • prononçaedje zero-cnoxheu : /skɔːɲ/ (waire u nén prononcî insi å 20inme sieke)
• Ricepeures : nén rcepåve

Sustantif

singulî	pluriyal
schågne	schågnes

schågne femrin

1. (botanike) ewalpeure do frut d’ ene påwionacêye (pitit poes, feve).
   • A dj’ vèyu ?
     Nos stindéyes di vèt’, au mwès d’ maîy,
     Nos pachis cafloris, avou l’ bon timps,
     Nos stindéyes di scaugnes d’oûs d’ l’èsté.
     Nos pawas dins lès chavéyes
     — Jacques Desmet, Dêrènes bates, Mélin, 2014.
2. (botanike) (pa stindaedje do sinse) ewalpeure d’ on setch frut (djaeye, amande, noejhe).
3. (mot d’ zolodjeye) ewalpeure d’ èn oû.
4. (mot d’ zolodjeye) (pa stindaedje do sinse) deure boket d’ ene mole biesse (caracole, moule), la k’ ele s’ î mete a houte.
   • Dji rinte dins m’ foyer come ene caracole dins s’-n eschågne. — Franz Michaux, Quand i r’véra, 1943, p. 21 (fråze rifondowe).

Sinonimeye

• (ewalpeure des fruts des påwionacêyes) hotche ; Loukîz a : « schåfe »
• (ewalpeure d’ èn oû) schåfe, schafiote ; Loukîz a : « schåfe »

Sipårdaedje do mot

w. do Levant, w. do Mitan

Ortografeyes

Divant 1900 :

• hâgn : E203 ^(lére)

Après 1900, foû rfondou (Feller, Feller ricandjî, nén Feller) :

• sicaugne : C8
• hågne : E1
• scaugne : C8
• iscaugne : Franz Michaux

E rfondou walon :

• schågne : R10 ^(lére)

Ratournaedjes

ewalpeure do frut d’ ene påwionacêye Loukîz a : hotche

• Inglès : pod ^(en)
• Francès : gousse ^(fr)

ewalpeure d’ èn oû Loukîz a : schåfe

• Francès : coquille ^(fr)

deure boket d’ ene caracole

• Francès : coquille ^(fr), carapace ^(fr)