clicote

Walon (Rifondou)

Prononçaedje

• AFE :
  • prononçaedje zero-cnoxheu : /kli.ˈkɔt/

Etimolodjeye 1

S’ i gn åreut ene sakî ki sepreut cwè åd fwait di l’ etimolodjeye di « clicote », el pout stitchî vaici.

Sustantif

singulî	pluriyal
clicote	clicotes

clicote femrin

1. vî ctapé, mousmint.
   • Ci n’ est nou paltot, çoula, Matiasse ; c’ est ene clicote ; les clicotes å clicotî ! — Albert Maquet (fråze rifondowe).
   • A poenne a dj' do pan a magnî;
     mi feme a vindou totes ses cotes :
     ele n' a pus ki deus troes clicotes ;
     mi djuståcoir est å lombård,
     — Marian de Saint-Antoine, "Paskeye di Djan Sapir, poirtåzaedje di Lidje" (1790) v. 48-51 (fråze rifondowe).
   • On va vudî ses ridants
     Et s' on-z a co troes clicotes
     On va les pår mete e plan
     — François Barillié, divins Li camarad′ dè l'joie, 1852 (fråze rifondowe).
   • Dji fruzixh co, cwand dji sondje a ciste abominåbe clicote la ! — Henri Forir, Notul so lè bazè skol dè vî tin, 1862.
   • Ni dvèt i nén pårti les clicotes a ptits hopeas ? — Arthur Xhignesse, « Boule-di-Gôme », 1912, p.10 (fråze rifondowe).
   • Onk k’ a l’ pougn djus brait après s’ mame… En ôte ki broûle di five, riclame li Mwaisse do cir … A clicotes, sins aidants, sins cpagnons, sins cnoxhances, li ci ki n’ mourt nén cial ca seur mori pus lon. — Joseph Mignolet, « Al Bèle Fontinne », comèdèye di treûs akes, 1924, p.6 (fråze rifondowe).

• 
  (Etimolodjeye 1) Ci n’ est pus on lénçoû, c’ est ene clicote !

Ratourneures

1. potchî foû d’ ses clicotes
2. houzer dvins ses clicotes
3. ståré come ene clicote
   • Dji m’ rèdwèm d’on côp,
     Èt, ståré come ine clicote,
     Dji dwèm tote nut´come ine marmote
     — Jacques Desmet, Come dj' a bond' m' èdwèrmi hossî pa l' walon Noer Boton l° 505, p. 17..

Parintaedje

• clicotî
• si disclicoter

Sinonimeye

vî mousmint, miersipepieuzmint e l’ notule ALW 5.70

• foufe
• gobeye
• håde
• loke
• nipe
• vî cayet
• firloke
• finfirlotche
• guineye
• flicote
• tape-djus
• misba

Ortografeyes

Divant 1900 :

• clikott : E177 (1823)
• clikotte : E212 ^(lére)

Après 1900, foû rfondou (Feller, Feller ricandjî, nén Feller) :

• clicote : O4

E rfondou walon :

• clicote : R9 ^(lére), R10 ^(lére), R13

Ratournaedjes

vî mousmint

• Inglès : rag ^(en)
• Francès : guenille ^(fr), harde ^(fr), fringue ^(fr), frusque ^(fr), loque ^(fr)
• Neyerlandès : lomp ^(nl)

Etimolodjeye 2

Svierba do viebe « clicoter »

Sustantif

singulî	pluriyal
clicote	clicotes

clicote omrin

1. comere ki berdele tofer, ki n’ si djoke måy di tchafter.

Sinonimeye

Loukîz l’ motyince : cåzer bråmint

Codjowas

clicote

1. indicatif prezintrece, prumire et troejhinme djins do singulî, do viebe « clicoter »
   • L’ ouxh clicote. — Motî Gilliard (fråze rifondowe).
   • Dj’ a on dint ki clicote. — Motî Gilliard (fråze rifondowe).
   • Nosse tåve clicote. — Motî Gilliard (fråze rifondowe).
2. suddjonctif prezintrece, prumire et troejhinme djins do singulî, do viebe « clicoter »
3. kimandeu prezintrece, deujhinme djin do singulî, fôme camaerådrece, do viebe « clicoter »