comere

Walon (Rifondou)

Alofômes di k(i)- / co-

Plinne cogne Lidje-Årdene (betchete sipotchåve)	Cogne Nameur-Tchålerwè (betchete nén spotchåve)	Sipotcheye cogne Lidje-Årdene
kimere	comere	cmere

Etimolodjeye

Tayon-bodje latén « commater » (mere do fiyasse ou del bele-feye), çou ki dene on mot avou l' bodje « mere » ey avou l’ betchete « co- » di dobe rifondaedje; mot cité dins l’ FEW 2 945b, adon minme sourdant et tcherpetaedje ki l' francès « commère », mins les deus mots ont prins des sinses mo diferins.

Sustantif

singulî	pluriyal
comere	comeres

comere femrin

1. femrinne djin, k' a dpus d' 18 ou 21 ans (shuvant les trevéns d' l' istwere).
   • Nos avans cial des cmeres pé k' des viperes — Simon de Harlez (fråze rifondowe).
2. feme marieye u ki vike avou (èn ome).
3. djonne feye.
   • Les cmeres ni s' plént nén rabindler avou les djonneas.
4. djonne feye egadjeye avou (on djonne ome), ou båshele k' i rexhe avou leye.
   • C' est s' comere — Motî d’ Vervî (fråze rifondowe).
   • Dj' î alans avou l' comere da Edwård.
   • On côp, avou camaeråde, ns avéns radjoû avou s' comere a l' intrêye d' ene såle di danse — Jean-Jacques Gaziaux (fråze rifondowe).
5. (noûmot pa stindaedje do sinse) (mot politicmint comifåt) feme ki vike eshonne avou ene ôte feme, come deus marieyès djins.

Ratourneures

1. vey les comeres : håbiter les houres
   • Gn aveut, on côp, èn ome di Djiblou k' aléve vey les comeres a Bossere. A velo, di ç' tins la ! On dmey drole, savoz, dji vou bén ! ene miete barakî — André Henin (fråze rifondowe).

Mots d’ aplacaedje

• comere-medcén

Sinonimeye

• (femrinne djin di dpus d' 18 ans): dame, madame, nosse dame, feme
• (feme marieye): feme, kipagneye, mweteye, mitan; Loukîz a : « feme »
• (femrinne djin di 15 a 25 ans): crapåde, båshele, glawene; Loukîz a : « djonne feye »
• (djonne feye egadjeye avou on djonne ome): crapåde, mayon; Loukîz a : « mayon »
• (copleuse omosecsuwele, livea politicmint comifåt): galante

Fås amisse

Li francès «commère» vout dire «canleuse»; ci sinse la egzistêye ossu e walon. Il s' a spårdou e 20inme sieke

Rilomêye do mot

Li mot dins on tite di live, di gazete, di soce, di marke

• Li ptite comere avou l' blanke camizole, on ptit roman da Lucyin Mahin

Ortografeyes

(comere, cmere & kimere)

Divant 1900 :

• comér : E177 (1823)

Après 1900, foû rfondou (Feller, Feller ricandjî, nén Feller) :

• coumére : C8, O0, O4, O90, S109, S117, G217 p. 17
• = kœ̆́mḗre (këmére) / = k'mḗre (k'mére) : E145
• cumére, c'mére : E34
• cuèmére : E165 (/kɛ-/)
• kèmére, k'mére : E200
• coumère : G217 p. 17
• kimére, k'mére : E1, G217 p. 17
• cumére : G217 p. 17
• comére : C1, E1, S44, G217 p. 17
• kumére, k'mére : E1, G217 p. 17

E rfondou walon :

• comere u kimere / cmere : R9 ^(lére), R10 ^(lére), R13, FR13 (a « femme »)

Ratournaedjes

femrinne djin di dpus d' 18 ans

• Arabe marokin : mra =‎ مرة = مَرة
• Almand : Frau ^(de)
• Inglès : woman ^(en), lady ^(en)
• Espagnol : mujer ^(es)
• Francès : femme ^(fr), dame ^(fr)
• Neyerlandès : vrouw ^(nl)

feme marieye Loukîz a : feme

• Arabe marokin : mra =‎ مرة = مَرة
• Francès : femme ^(fr), épouse ^(fr), compagne ^(fr)

femrinne djin di 15 a 25 ans; Loukîz a : djonne feye

• Francès : fille ^(fr), nana ^(fr), gonzesse ^(fr)

djonne feye egadjeye avou on djonne ome ou k' i rexhe avou leye Loukîz a : mayon

• Almand : Geliebte ^(de), Gevatterin ^(de)
• Francès : fiancée ^(fr), bien-aimée ^(fr), copine ^(fr), bonne amie ^(fr)
• Lussimbordjwès : Gefuedesch ^(lb)

vey les comeres

• Francès : fréquenter les prostituées

Waitîz eto

Lijhoz l’ årtike comere so Wikipedia